Македонска навигација должи околу 15 милиони евра, а дава позајмица на Владата од 7 милиони евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонска навигација должи околу 15 милиони евра, а дава позајмица на Владата од 7 милиони евра

28 јули 2026

• од Темелко Тошев

Иако самата М-НАВ има долг од околу 15 милиони евра кон Европската банка за обнова и развој (ЕБОР) за модернизација на опремата, компанијата ѝ одобри краткорочна позајмица од 7 милиони евра на Владата, наменети за Јавното претпријатие за државни патишта (ЈПДП).

Владата донесе одлука да земе краткорочен заем од 7 милиони евра од Македонска навигација (М-НАВ), потег кој предизвика бурни реакции во јавноста и на политичката сцена. Одлуката, изгласана на владина седница на 14 јули, доаѓа како одговор на барањето на Јавното претпријатие за државни патишта (ЈПДП), на кое итно му биле потребни финансиски средства.

Тројцата директори на М-НАВ, Владимир Ристески (претседател на Управниот одбор), Милан Кораќ и Фатмир Зимбери, на 17 јули ја потпишале одлуката за одобрување на оваа краткорочна позајмица. Средствата се позајмуваат без камата и истите треба да ѝ бидат вратени на институцијата најдоцна до 30 ноември 2026 година.

Она што е парадоксално во целата ситуација е фактот што самата Македонска навигација во моментов има долг од приближно 15 милиони евра кон Европската банка за обнова и развој (ЕБОР). Овие средства компанијата ги должи по основ на кредити подигнати за неопходно опремување и модернизација на навигацискиот систем во земјава.

Дополнителен проблем претставуваат и строгите меѓународни регулативи. Имено, средствата со кои располага М-НАВ се строго наменски и тие мора да се трошат исклучиво за потребите на претпријатието. Според правилата, за секоја поголема трансакција или инвестиција мора да биде известен Еуроконтрол, кој генерално забранува средства на навигацијата да се користат за кредитирање други државни институции.

Премиерот Христијан Мицкоски ја потврди позајмицата, притоа додавајќи дека не станува збор само за М-НАВ. „Не се земени средства само од Македонска навигација, туку и од Државна лотарија и МЕПСО за потребите на Јавното претпријатие за државни патишта“, истакна тој.

Опозициската СДСМ жестоко ја критикуваше оваа одлука, обвинувајќи дека потегот е недвосмислен доказ за празната државна каса. „Кога државата почнува да позајмува од сопствените јавни претпријатија за да преживее од месец за месец, повеќе нема простор за пропаганда. Економијата е во колапс“, реагираа од партијата.

Експертите од антикорупциската сфера исто така изразија загриженост. Поранешната претседателка на ДКСК, Билјана Ивановска, предупреди дека ваквите одлуки мора да бидат јасни и транспарентни, за да не се добие впечаток во јавноста дека работите се одвиваат зад затворени врати, надвор од законската регулатива и без потребните меѓународни одобрувања од Еуроконтрол и ЕБОР.