Зеленски: Украина сака мир, но нема да се согласи на него по секоја цена

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Зеленски: Украина сака мир, но нема да се согласи на него по секоја цена

24 август 2026

• од Темелко Тошев

„Украина сака мир, но нема да се согласи на него по секоја цена и нема да ѝ се предаде на Русија“, порача украинскиот претседател Володимир Зеленски по повод Денот на независноста на Украина.

Зеленски категорично го отфрли барањето на Москва, Киев да ги отстапи деловите од регионот на Донбас кои сè уште се под украинска контрола. Тој предупреди дека таквиот чекор нема да стави крај на руската агресија.

„Нема да им дозволиме да ја преземат иницијативата и да ја измамат Европа и целиот свет дека е доволно само да се откажеме од Донбас и дека сè наскоро ќе заврши“, нагласи украинскиот претседател во пораката објавена на Телеграм по повод националниот празник.

Тој упати силен повик до сојузниците да ѝ го обезбедат на Украина сето она што е неопходно за да се стави крај на војната, како и да се засили притисокот со санкции врз Москва со цел да биде принудена да седне на преговарачката маса. Зеленски изрази надеж дека резервите и стравувањата на САД во однос на Русија ќе исчезнат, додавајќи дека и „Кина не смее повеќе да молчи“.

Мировните напори во моментов се во застој поради несогласувањата околу руските територијални барања, додека борбите континуирано продолжуваат вдолж линијата на фронтот, долга околу 1.200 километри. Руската офанзива се одвива бавно, а украинската армија успеа да ја врати контролата врз одредени територии во југоисточниот дел на земјата, иако руските сили продолжуваат со притисокот во регионот на Донецк.

Во меѓувреме, Москва ги засилува воздушните напади врз украинските градови, додека Киев ги интензивира нападите врз руските рафинерии и логистичката инфраструктура со цел да ги ослаби воените капацитети на Русија. Како дополнителна поддршка за земјата, Европската Унија неодамна одвои 6,1 милијарди евра воена помош за Украина.

Во знак на солидарност, на Денот на независноста во Киев пристигнаа високи странски претставници, меѓу кои премиерите на Велика Британија и Луксембург, Енди Барнам и Лик Фриден, претседателите на Молдавија и Естонија, Маја Санду и Алар Карис, како и претседателот на Европскиот совет, Антонио Кошта.