Техеран егзекутираше 21-годишен каратист откако беше уапсен за време на протестите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Техеран егзекутираше 21-годишен каратист откако беше уапсен за време на протестите

01 мај 2026

• од Гоце Кически

Иранските власти рано утрово во четврток го егзекутираа 21-годишниот каратист Сасан Азадвар, кој беше уапсен за време на протестите, во услови на растечка загриженост од Обединетите нации и меѓународните организации за човекови права за зголемен број егзекуции и масовни апсења од почетокот на војната во Иран.

Иранското судство потврди дека станува збор за уште еден притвореник уапсен за време на неодамнешните протести, додека ОН и други организации известуваат за нагло зголемување на бројот на егзекуции и апсења од крајот на февруари.

Според иранските медиуми, Сасан Азадвар Џунгани бил егзекутиран во затворот Дастгерд во Исфахан. Тој бил уапсен за време на протестите во јануари.

Извор близок до семејството изјавил за организацијата Храна дека погребот се одржал под силно обезбедување, при што „само 10 членови на семејството имале дозвола да присуствуваат“.

Обединетите нации соопштија дека од почетокот на конфликтот се извршени најмалку 21 егзекуција и се регистрирани повеќе од 4.000 апсења, предупредувајќи на засилена примена на смртната казна во актуелната безбедносна ситуација.

Според новинската агенција Мизан, која е под контрола на судството, Азадвар бил осуден за „мохаребех“ – односно „непријателство кон Бог“ – како и за „ефективна соработка со непријателот“.

Тој бил обвинет дека нападнал возило на безбедносните сили со камења и палки, кршел прозорци и фрлал тули кон полицијата за време на протестите. Во извештајот не се наведува дека имало жртви меѓу безбедносните сили.

Мизан тврди и дека се обидел да подготви бензин за да запали возило, но не успеал. Судството наведе дека судењето било спроведено со правна одбрана, без дополнителни детали за процесот.

Сепак, правната платформа „Дадбан“ соопшти дека обвиненијата не ја исполнуваат законската дефиниција за „непријателство кон Бог“ според иранското право.

Организацијата за човекови права „Хенгав“ оцени дека случајот е обележан со „сериозни правни нејаснотии“ и дека адвокатот на обвинетиот тврдел дека нема веродостојни докази против него.

Според истата организација, Азадвар бил шампион во карате од провинцијата Исфахан и бил подложен на тешка физичка и психолошка тортура за време на притворот со цел да признае вина.

Тој бил уапсен на 8 јануари за време на масовните протести и првично бил држен во самица. Смртната казна му била изречена во период на ескалација на конфликтот, а подоцна била потврдена од Врховниот суд.

Егзекуцијата доаѓа во момент кога Техеран продолжува со серија смртни казни поврзани со случаи од протестите и безбедносни обвиненија. ОН наведуваат дека од почетокот на војната, Иран егзекутирал најмалку 21 лице и привел над 4.000.

„Амнести интернешнл“ соопшти дека во последните недели регистрирала најмалку 19 егзекуции, предупредувајќи и на присилни исчезнувања и тортура.

Во меѓувреме, шефот на иранското судство Голамхосеин Мохсени Еџеи изјави дека судовите треба да ги процесираат случаите на притворениците „надвор од вообичаените процедури“ и со забрзано темпо, додавајќи дека Техеран нема да ги послуша меѓународните повици за запирање на егзекуциите.