Бугарија повторно прави чекор кон Егејското Море со преговори за удел во пристаништето „Филип II“ во Кавала

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија повторно прави чекор кон Егејското Море со преговори за удел во пристаништето „Филип II“ во Кавала

27 октомври 2026

• од Стефан Николов

Бугарија започнала преговори со Грција за стекнување удел во пристаништето Кавала, со цел да ги подобри транспортните и логистичките врски со Егејското Море. Засега не се познати големината на уделот, учесниците во евентуалната зделка ниту рокот за постигнување договор, објави „Економик.бг“.

Бугарскиот министер за транспорт Георги Пеев соопштил дека преговорите веќе се во тек. Според него, евентуалното бугарско учество би можело да го зголеми транспортниот капацитет и да ја зајакне поврзаноста на Бугарија, Грција и Романија.

Интересот на Софија за пристаништето не е нов. Во 2023 година, тогашниот бугарски премиер Николај Денков најави дека Бугарија сака да учествува со до 20 отсто во концесијата. Концесијата за трговското пристаниште „Филип Втори“ во Кавала започна во 2025 година, а засега не е јасно дали сегашните разговори се однесуваат на истата можност или на поинаков модел.

Преговорите се дел од пошироките планови за транспортно поврзување на трите соседни држави. Според Пеев, нивниот заеднички план опфаќа 25 инфраструктурни проекти, проценети на речиси 23 милијарди евра, вклучувајќи железнички и патни врски, мостови и подобар пристап меѓу Егејското, Дунавското и Црното Море.