СРАМ ВО СТРУШКИОТ ФУДБАЛ: Караорман прими „петарда“, па во 49. минута остана со шест играчи на теренот!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

СРАМ ВО СТРУШКИОТ ФУДБАЛ: Караорман прими „петарда“, па во 49. минута остана со шест играчи на теренот!

22 април 2026

• од Темелко Тошев

Она што некогаш беше гордост на Струга, денес доживува црни денови. ФК Караорман, клубот со богата историја, се соочи со понижувачки пораз и прекин на натпреварот против Кравари во рамките на 14. коло од Третата лига – Југозапад.

Хаос уште пред првиот свиреж

Проблемите за стружани започнаа уште пред почетокот на средбата. Неверојатно за клуб со такво реноме, Караорман допатува на гостувањето кај Кравари со само девет фудбалери во својот состав. Ваквата ситуација веднаш навести катастрофа на теренот.

Бројчаната инфериорност домаќините ја искористија уште во првиот дел, во кој мрежата на гостите се тресеше дури пет пати. На паузата се замина со високи 5:0, но вистинскиот скандал дојде на самиот почеток на второто полувреме.

Прекин во 49. минута

Наместо борба за чесен пораз, натпреварот заврши предвреме. Во 49. минута, екипата на Караорман остана со само шест играчи на теренот, што според фудбалските правила значи автоматски прекин на натпреварот бидејќи екипата нема доволен број играчи за да продолжи со игра.

Во официјалниот записник од натпреварот стои:

„Во 49. минута, гостинската екипа остана со шест играчи на теренот и поради немање на доволен број на играчи, натпреварот не продолжи.“

Од есенски шампион до работ на егзистенцијата

Ова е тежок удар за навивачите на Караорман, особено ако се земе предвид дека овој клуб е есенски шампион во Третата лига – Југозапад. По испаѓањето од Втората лига пред две сезони, сите очекуваа експресно враќање во повисок ранг, но реалноста на теренот покажува сериозна организациска криза.

Како е можно есенски шампион и фудбалски бренд на Струга да не може да собере 11 играчи за првенствен натпревар? Ова е прашањето кое денес си го поставува целокупната спортска јавност во Македонија, додека Караорман ги допира најниските точки во својата понова историја.