Серафимовски: Потврдени 64 жаришта на овчи сипаници, досега угинаа 10.000 грла

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Серафимовски: Потврдени 64 жаришта на овчи сипаници, досега угинаа 10.000 грла

07 септември 2026

• од Темелко Тошев

Во државата се потврдени 64 жаришта на овчи сипаници, при што се регистрирани околу 10.000 угинати грла, информираше министерот за земјоделство, шумарство и водостопанство Цветан Серафимовски. Најголем дел од жариштата, вкупно 50, се наоѓаат во Источниот регион, седум во Североисточниот, шест во Вардарскиот и едно во Скопскиот регион.

Министерот апелираше до сточарите да ги почитуваат препораките и навремено да ги пријавуваат сомнителните случаи. Тој истакна дека стрижењето со недезинфицирани ножици се покажало како еден од главните ризици и предупреди да се избегнува користење заедничка опрема.

Институциите преземаат активности за обезбедување вакцини преку Европската комисија, Турција и ФАО. Сепак, Серафимовски нагласи дека обезбедувањето вакцини не значи автоматско започнување на вакцинацијата. Одлуката ќе зависи од стручна проценка на епидемиолошката состојба, ризикот и можните последици.

За погодените сточари е утврден модел за обештетување преку Агенцијата за храна и ветеринарство, а во тек се подготовки за исплата. Серафимовски потсети дека шест месеци не е дозволено внесување нов сточен фонд во истото одгледувалиште. Надлежните ја следат состојбата и во соседните земји, а остварена е и работна средба со институциите во Србија за размена на искуства.