Притвор за косовски државјанин по трагедијата кај Скопје: Четири жртви во страотен судар и пожар

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Притвор за косовски државјанин по трагедијата кај Скопје: Четири жртви во страотен судар и пожар

23 мај 2026

• од Темелко Тошев

Основното јавно обвинителство Скопје отвори истрага против 76-годишен државјанин на Косово, кој се товари за „Тешки дела против безбедноста на луѓето и имотот во сообраќајот“. Обвинителството побара определување мерка притвор поради опасност од бегство.

Трагичната сообраќајна несреќа се случи на северната обиколница на Скопје, во близина на клучката Мирковци, кога тешкото товарно возило „МАН“ со косовски регистарски таблички, управувано од осомничениот, ја изгуби контролата и предизвика директен судар со фатални последици.

Детали за несреќата

Според првичните наоди од истрагата, осомничениот се движел во правец од запад кон исток. Поради неприспособена брзина кон условите на патот и густината на сообраќајот, тој изгубил контрола над камионот. Возилото свртело налево, ја пробило металната заштитна ограда и се префрлило на коловозната лента наменета за сообраќај од спротивната насока.

Во тој момент, директно во камионот удрил автомобил марка „БМВ“, кој се движел од исток кон запад. Силата на ударот била толку интензивна што двете возила веднаш се запалиле.

Четири лица го загубија животот

Од Обвинителството потврдуваат дека последиците од несреќата се катастрофални. Сите четири лица кои се наоѓале во патничкото возило „БМВ“ им подлегнале на повредите на лице место.

Барање за притвор

Поради сериозноста на делото, како и постоењето на реална опасност од бегство и можноста осомничениот да го повтори делото, надлежниот јавен обвинител до судијата на претходна постапка достави предлог за определување мерка притвор.

Истражните органи продолжуваат со работа на целосно расчистување на причините и околностите под кои се случила оваа тешка сообраќајна несреќа.