Љубчо Георгиевски: Српската окупација редовно се чествува, а се прави проблем за заедничко чествување на браќата Миладинови

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љубчо Георгиевски: Српската окупација редовно се чествува, а се прави проблем за заедничко чествување на браќата Миладинови

02 јуни 2026

• од Темелко Тошев

Поранешниот премиер Љубчо Георгиевски упати остри критики кон, како што вели, хипокризијата во македонското општество во однос на историските чествувања. Според него, во земјава редовно и со државни почести се слават настани од српската окупација на Македонија, додека во исто време во јавноста се прави огромен проблем за евентуално заедничко чествување на историски личности со соседна Бугарија.

Славиме осум битки од српското поробување

Георгиевски во своето обраќање посочи дека македонската јавност свесно замижува пред фактот што државата секоја година одбележува низа настани кои историски претставуваат освојување на македонската територија од страна на српската војска. Тој ги повика граѓаните да ги погледнат објавите на здруженијата на Србите во Македонија за да ја видат реалната слика.

„Тоа малку се задушува во Македонија, меѓутоа ако ги отворите страните на Србо-Македонците или на македонските Срби, како 'Спона' или 'Србтел', вие ќе видите дека во последните години ние во Македонија славиме седум или осум настани на српската окупација. Ги славиме битката кај Кајмакчалан, битката во Битола, битката кај Куманово, Брегалничката битка, а од оваа година ни го додадоа и Валандово, па измислија нешто и во Куклиш, Струмица“, истакна Георгиевски.

Апсурдот на државните почести

Поранешниот премиер смета дека е апсурдно што македонската држава оддава највисоки воени и државни почести на ваквите настани, кои според него се директно славење на режимот на Караѓорѓевиќ.

„Ние во овој момент имаме осум прослави со кои го славиме поробувањето на 'Стара Србија' од страна на Караѓорѓева Југославија. Имате повеќе пати да се постројува македонската почесна гарда на настани од српската окупација на Македонија, отколку на македонски национални празници“, дециден е тој.

Лицемерие и двојни аршини кон соседите

Георгиевски ја завршува својата критика со директна споредба на односот на македонската јавност кон Србија и кон Бугарија. Тој смета дека е крајно лицемерно да се премолчуваат овие српски чествувања, а во исто време да се крева национална паника за историските прашања поврзани со источниот сосед.

„Вие сето тоа го правите со најголема хипокризија. Се правите дека не го гледате сето ова, а од друга страна велите: 'Не, ова е проблем, браќата Миладинови да ги славиме заедно со Бугарија'“, заклучува Георгиевски, критикувајќи ги двојните стандарди во македонскиот политички и општествен дискурс.