ДУИ алармира: Уште еден странски инвеститор ја напушта Македонија, Владата да каже колку работници остануваат на улица

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ алармира: Уште еден странски инвеститор ја напушта Македонија, Владата да каже колку работници остануваат на улица

29 јули 2026

• од Темелко Тошев

Демократската унија за интеграција (ДУИ) преку соопштение до јавноста упати остри критики до Владата по информациите дека уште една странска компанија ја затвора својата инвестиција и се повлекува од Северна Македонија.

Од партијата посочуваат дека во период од само две години, дури три големи американски и германски инвеститори донеле одлука да го прекинат или да го преселат своето производство од државата, што го оценуваат како сериозен удар врз домашната економија и вработените.

Според ДУИ, континуираното заминување на странските компании повеќе не може да се оправдува и да се претставува како изолиран деловен случај.

„Инвеститорите гледаат држава без јасна европска перспектива, со испразнет буџет, економска неизвесност, нарушени односи со соседите и сè потензични меѓуетнички односи. Последиците директно ги чувствуваат граѓаните. Со затворањето на инвестициите се губат работни места, се намалува економската активност и дополнително се зголемува иселувањето на младите и на квалификуваните работници,“ се вели во партиското соопштение.

Поради ваквата состојба, ДУИ бара од Владата итно да излезе пред јавноста со конкретни податоци и одговори. Тие инсистираат да се соопшти точната бројка на работници кои ќе останат без своите работни места поради овие повлекувања, како и да се одговори дали има најави и од други компании за напуштање на земјава.

„Заедно со инвеститорите си заминуваат и работните места, надежта и можноста за подобар живот. Владата мора да преземе одговорност за економската несигурност што ја создаде и да каже кои конкретни мерки ги презема за задржување на постојните инвеститори,“ децидни се од Демократската унија за интеграција.