Бугарија со поддршка за центрите за лица со аутизам во Северна Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарија со поддршка за центрите за лица со аутизам во Северна Македонија

28 април 2026

• од Гоце Кически

Бугарија продолжува да го поддржува развојот на центри за деца и возрасни со аутизам во Северна Македонија, соопшти Бугарската амбасада во Белград.

На почетокот на месецов, бугарскиот амбасадор во Србија и поранешен амбасадор на Бугарија во Северна Македонија, Ангел Ангелов, заедно со сопругата, ја пречека Весна Стојановска, која беше во Белград за да учествува на меѓународна конференција посветена на обука и можности за вработување на возрасни лица со аутизам.

Приказната за иницијативата започнува пред повеќе од една деценија, кога Стојановска и нејзиниот сопруг Златко го основале центарот „Во мојот свет“ во Скопје, поттикнати од лично искуство по дијагнозата на аутизам кај нивен близок член од семејството. Тогаш ја добиле првата финансиска поддршка од Бугарската амбасада во Скопје, што им овозможило да ја започнат својата работа.

Денес, организацијата значително порасна. Покрај центарот во Скопје, веќе функционира и втор центар во Охрид, додека отворањето на нов во Тетово се одложува поради административни процедури. Во центрите се работи со деца на возраст од две до осум години, а резултатите, според организаторите, се охрабрувачки и видливи.

Паралелно, во Скопје се очекува наскоро целосно да профункционира и првиот дневен центар за млади и возрасни лица со аутизам, што претставува важен чекор во обезбедувањето долгорочна грижа и поддршка.

Поддршката од Бугарија не се ограничува само на почетните фази, туку се одвива континуирано со години. Центарот „Во мојот свет“ добива финансиска поддршка најмалку од 2021 година наваму, преку грантови во рамки на официјалната развојна помош на Бугарија. Дел од средствата се насочени кон обезбедување терапија и сензорна поддршка за деца со аутизам, АДХД и Аспергеров синдром од семејства со ограничени можности, овозможувајќи им пристап до третмани кои инаку би биле тешко достапни. Во исто време, значајна инвестиција е вложена и во довршувањето и опремувањето на првиот дневен центар за млади и возрасни со аутизам во земјата, со цел да се создаде простор каде тие ќе можат да се развиваат, обучуваат и вклучуваат во општеството.

„За пријателството и добрата волја нема граници ниту временски ограничувања“, порачаа амбасадорот Ангелов и неговата сопруга.