Европската комисија исплати 2,9 милијарди евра за стабилноста и реформите во Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Европската комисија исплати 2,9 милијарди евра за стабилноста и реформите во Украина

04 октомври 2026

• од Тодор Вангелов

Европската комисија исплати 2,9 милијарди евра финансиска помош за Украина, со цел да се зачува финансиската стабилност на земјата, да продолжи работата на јавните институции и да се поддржат реформите додека Киев се брани од руската агресија.

„Средствата се наменети за поддршка на финансиските потреби и за одржување на функционирањето на јавната администрација, додека Украина продолжува да се брани од руската агресивна војна“, соопшти Европската комисија.

Претседателката на Европската комисија, Урсула фон дер Лајен, изјави дека Украина, и покрај војната, продолжува да спроведува важни реформи во рамките на нејзиниот европски пат.

„Со оваа исплата помагаме да се зачува финансиската стабилност на Украина и ги поддржуваме инвестициите што ќе бидат основа за нејзината идна обнова. Европа ќе остане покрај Украина колку што е потребно“, порача фон дер Лајен.

Според Европската комисија, исплатата следува откако Украина успешно спровела реформи во повеќе области, меѓу кои правосудството, финансиските пазари, енергетиката, транспортот, земјоделството и деловното опкружување.

Со најновата транша, поддршката обезбедена преку европскиот план за Украина надминува 32 милијарди евра. Натамошните исплати се поврзани со исполнувањето на договорените реформи и услови.

Европската комисија останува посветена и на заемот од 90 милијарди евра за Украина предвиден за 2026 и 2027 година. Средствата се наменети за одбранбените капацитети, функционирањето на државата, јавните услуги и економската отпорност.

Од почетокот на руската инвазија во 2022 година, Европската Унија и нејзините земји членки обезбедиле вкупно 227,4 милијарди евра поддршка за Украина.