Американски пратеници бараат построг пристап кон Србија поради Русија и Кина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Американски пратеници бараат построг пристап кон Србија поради Русија и Кина

03 октомври 2026

• од Тодор Вангелов

Група американски сенатори и конгресмени од двете партии бараат построг пристап кон Србија поради загриженоста за состојбата со демократијата, корупцијата и растечкото влијание на Русија, Кина и Иран, објави „Радио Слободна Европа“.

Американските законодавци предложија закон наречен „СРБИЈА“, со кој дополнителната американска помош за Белград би била поврзана со напредок во владеењето на правото, судската одговорност и слободата на медиумите.

Како што пишува „Радио Слободна Европа“, предлогот предвидува и можност за санкции против лица вмешани во корупција, сериозни прекршувања на човековите права или активности насочени кон поткопување на демократските институции и регионалната стабилност.

Посебно внимание е посветено на односите на Србија со Москва, Пекинг и Техеран. Републиканскиот сенатор Чак Грасли за „Радио Слободна Европа“ изјави дека Србија има „критична улога во зачувувањето на мирот и безбедноста на Западен Балкан“.

„Критично е да се спречи Русија, Кина или Иран да влијаат врз Србија и да го дестабилизираат регионот“, изјави Грасли.

Демократскиот сенатор Ричард Блументал, пак, порача дека односите меѓу САД и Србија треба да се засноваат на „заеднички демократски вредности“ и спротивставување на автократското влијание.

Според „Радио Слободна Европа“, американската иницијатива доаѓа само неколку недели пред предвремените парламентарни избори во Србија на 25 октомври. Изборите следуваат по повеќе од две години студентски и граѓански протести и зголемени критики за состојбата со владеењето на правото, независноста на судството, медиумските слободи и корупцијата.

Во предлог-законот се споменува и одговорот на српските власти на протестите што следуваа по уривањето на настрешницата на железничката станица во Нови Сад во ноември 2024 година.

Конгресменот Џо Вилсон за „Радио Слободна Европа“ изјави дека во Конгресот постои силна поддршка за слободни и фер избори во Србија.

„Србите заслужуваат слободни и фер избори“, порача Вилсон, додавајќи дека Србија е стратешки важна земја за мирот и просперитетот на регионот.