Бугарија се наметнува како водечки европски пазар за батериско складирање енергија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија се наметнува како водечки европски пазар за батериско складирање енергија

21 октомври 2026

• од Тодор Вангелов

Бугарија се наметнува како еден од водечките пазари за батериско складирање електрична енергија во континентална Европа. Тоа го истакна Владимир Дичев, главен комерцијален директор на „Електрохолд Бугарија“, на енергетски форум на „Ројтерс“ во Амстердам.

Дичев рече дека батериите стануваат важни за балансирање на електроенергетскиот систем и за сигурноста на снабдувањето, особено поради брзиот раст на обновливите извори. За пет години, соларните капацитети во Бугарија, Романија и Грција се зголемиле четирикратно, на околу 27 гигавати.

Како пример за значењето на батериите тој го посочи летото во 2026 година, кога регионот се соочил со висока потрошувачка, помало производство од конвенционални централи и зголемени ризици за енергетската сигурност. Во август Бугарија остварила нето-извоз од 829 гигават-часови електрична енергија, според официјалните податоци.

Портфолиото на „Електрохолд Трејд“ опфаќа околу 50 батериски и комбинирани соларно-батериски капацитети, со вкупна моќност од околу 1.500 мегавати и капацитет за складирање од околу 4.500 мегават-часови. Компанијата работи и во Романија и Полска, а Дичев рече дека понатамошниот развој ќе зависи од подобрата поврзаност со пазарите и доволниот капацитет на електричната мрежа.