СДСМ обвинува: Еколошки колапс – по проблемите со водата низ државата, отровот стигна и до Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ обвинува: Еколошки колапс – по проблемите со водата низ државата, отровот стигна и до Скопје

24 јули 2026

• од Темелко Тошев

Опозициската СДСМ денеска преку соопштение упати остри критики до актуелната власт предводена од Христијан Мицкоски, обвинувајќи за, како што велат, „системски колапс на институциите“ поради серијата еколошки инциденти во државата.

Реакцијата на партијата доаѓа откако во јавноста се појавија информации и снимки за загадување на реката Лепенец во Скопје.

Од небезбедна вода за пиење до пена во реките

Од СДСМ потсетуваат на низата проблеми со квалитетот на водата што ги погодија граѓаните во повеќе градови во изминатиот период.

„Прво загадена вода за пиење во Гостивар, Валандово, Лешок, Крушево и Пласница. Дури и во болница немаше безбедна вода. Сега бела пена тече низ реката Лепенец во Скопје,“ се наведува во партиското соопштение.

Според партијата, појавата во Лепенец изгледа како синтетичка пена која директно се излива на местото каде што оваа река се влева во Вардар, што го оценуваат како очигледен доказ за загадување.

Обвинувања за негрижа кон здравјето на граѓаните

Во соопштението, СДСМ директно ја посочува владејачката ВМРО-ДПМНЕ како одговорна за состојбите со животната средина.

„Ова веќе не е инцидент. Ова е системски колапс на институциите. Додека тие отвораат базени, менуваат министри и обвинуваат за 'дезинформации', реките се полнат со пена, а граѓаните не смеат да ја пијат водата од чешма. Мицкоски ја труе Македонија. Буквално,“ заклучуваат од СДСМ.