Протести по смртта на Билјана: Фемицидите не запираат во Северна Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Протести по смртта на Билјана: Фемицидите не запираат во Северна Македонија

06 ноември 2026

• од Тодор Вангелов

Во Богданци и Скопје ќе се одржат протести по смртта на 17-годишната Билјана, со барања за целосна истрага, одговорност за евентуални институционални пропусти и посилна заштита од насилство врз жените.

Првиот собир е закажан за денеска, 6 ноември, во 19 часот во Градскиот парк во Богданци. Организаторите ги повикуваат граѓаните да се приклучат на мирниот протест под пораките „Стоп за фемицидот“ и „Правда за Билјана“.

Во Скопје, протестниот марш ќе почне в недела, 8 ноември, напладне, од паркот „Жена Борец“. Учесниците ќе поминат покрај Собранието и Министерството за правда, а маршот ќе заврши пред Министерството за образование и наука. Иницијативата „Ниту една повеќе!“ бара транспарентна истрага и забрзување на законските измени за заштита од насилство врз жените и семејно насилство.

Билјана претходно пријавила физички напад од партнерот. На 16 октомври судот изрекол привремени мерки за заштита, а полицијата подготвила безбедносен план. Девојката беше пронајдена мртва на 3 ноември во опожарено возило во близина на Богданци; во близина било пронајдено и телото на нејзиниот 21-годишен партнер. Истрагата за околностите продолжува.

Социјалната инспекција врши вонреден надзор во Центарот за социјални работи во Гевгелија, за да утврди како бил следен случајот и дали биле преземени сите мерки за заштита. Повеќе детали за протестите и случајот објави Градска.мк.