Правосудниот испит на други јазици? Мицкоски вели „Да“, но под еден услов!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Правосудниот испит на други јазици? Мицкоски вели „Да“, но под еден услов!

25 мај 2026

• од Темелко Тошев

Премиерот Христијан Мицкоски изрази подготвеност за дискусија околу употребата на јазиците при полагањето на правосудниот испит. Говорејќи на свечената академија во црквата „Св. Софија“ во Охрид, по повод Денот на сесловенските просветители „Св. Кирил и Методиј“, тој нагласи дека заедниците треба да го имаат правото да напредуваат и да го користат својот јазик, но исклучиво во рамките на Уставот и законите.

Понатаму, тој додаде дека образованието е клучот за развојот и дека одлуките во оваа сфера мора да ги надминат дневно-политичките интереси. Мицкоски најави дека набрзо може да се постигне заедничко решение кое ќе биде прифатливо за сите, пренесува ТВ21.

Образованието пред политиката

Мицкоски потенцираше дека е важно разговорите за оваа тема да се постават во правилна призма, со фокус на зајакнување на образовниот систем:

„Колку и да нè привлекуваат дневните теми, важно е да се посветиме на некои од нив. Колку и да има политика и заднински интереси во наметнувањето на темата за употреба на јазиците при полагањето на правосудниот испит, јас сум подготвен и на одреден начин ми е драго што конечно можеме да зборуваме за образованието, но разговорите дефинитивно мора да се постават во вистинската призма.

Јас сум подготвен да помогнам во секој процес што би значел подобро и посилно образование. Сметам дека вратата на можностите и излезот и спасот за секого е токму силното образование. Тоа нè прави посилни и ја гради нашата иднина. Единствената шанса за успех е учењето, посветеноста и отворањето на нови перспективи.“

Почитување на Уставот и македонскиот јазик

Премиерот подвлече дека унапредувањето на правата на заедниците не смее да го загрози државниот идентитет:

„Немам никаква пречка да се зборува за темите кои денес се актуелни и секоја заедница да има право да напредува и да го користат својот јазик, секако додека тоа е во рамките на Уставот, законите и додека се почитува нашиот идентитетски печат – македонскиот јазик.“

Предупредување за криење зад националистички теми

На крајот од своето обраќање, Мицкоски предупреди на опасностите од деструктивни политички агенди кои го злоупотребуваат соживотот за лични интереси:

„Затоа, многу брзо ќе дојдеме до решение кое сите треба да го поддржиме и кое ќе ги надмине индивидуалните партиски и можеби политички интереси и тенденции да заглавиме во уште една националистичка замка. Историјата нè учи дека таквите замки се најдобриот метод на оние кои имаат лични криминални или други интереси и кои редовно се кријат зад вакви теми, кои се покритие за вистинските намери за злоупотреба на соживотот и создавање пречки“, изјави Мицкоски.