Марковски: Покрај цената, за граѓаните сѐ поважно прашање е колкав квалитет имаат становите кои ги купуваат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Марковски: Покрај цената, за граѓаните сѐ поважно прашање е колкав квалитет имаат становите кои ги купуваат

20 мај 2026

• од Темелко Тошев

Намалената побарувачка на станови во првиот квартал од годинава може да биде директна последица на глобалната економска неизвесност и стравот кај граѓаните да инвестираат во недвижности, смета универзитетскиот професор Горан Марковски.

Во своето гостување во емисијата „Топ Тема“ на Телма ТВ, професорот Марковски оцени дека пазарот на недвижности се соочува со предизвици, каде покрај енормните цени, сѐ поважно прашање за купувачите станува она што реално го добиваат за парите што ги плаќаат.

Глобалната криза и претпазливоста на купувачите

Според Марковски, тешко е со сигурност да се предвиди во кој правец ќе се движи пазарот на недвижности во иднина, но моменталните бројки јасно покажуваат тренд на заладување на побарувачката.

„Навистина е тешко да се предвиди како ќе се движат работите понатаму. Според досегашните анализи, во овој период има намалување на побарувачката, но тоа може да е поради светската криза. Во вакви периоди луѓето се плашат да инвестираат. Во крајна линија, не е ни чудно да се намали интересот бидејќи ресурсите не се толку големи за овие станбени единици да бидат полни“, изјави тој.

Апсолутна цена наспроти реална вредност

Професорот упати сериозна критика до актуелните трендови во градежништвото, посочувајќи дека фокусот на купувачите мора да се помести од „апсолутната бројка“ кон реалната вредност и квалитетот на животниот простор. Тој воведува нова категорија при анализата – релативна цена.

„Кога говориме за цена на становите, јас би вовел категорија на релативна цена, не апсолутна цена. Уште посуштествено прашање е колкав квалитет купуваме за таа цена што ја плаќаме. Од она што јас го знам, со чест на исклучоци, во голем број случаи становите кои се продаваат ни од далеку не го нудат потребниот квалитет“, дециден е Марковски.

Што недостига во новите станбени комплекси?

Квалитетот на едно домување не завршува во рамките на четирите ѕида на станот. Марковски лоцира неколку клучни системски недостатоци во модерната градба кои директно го уриваат квалитетот на животот на граѓаните:

Лоши урбанистички решенија: Пренагласена бетонизација на сметка на хуманото живеење.
Преголема густина: „Блискост со соседите“ која ја нарушува приватноста и комфорот.
Недостиг на јавен простор: Немање паркови, зелени површини и простор за рекреација.
Слаба инфраструктура: Недостиг на детски игралишта и градинки кои се неопходни за сервисирање на потребите на новите населби.

Овие аргументи на професорот Марковски отвораат важна дебата во јавноста – дали високите цени по квадрат во земјава се оправдани и дали купувачите конечно ќе почнат да бараат повисоки стандарди за своите тешко заработени пари?