Руски и проруски канали ширеле лажна вест за корупциски скандал во Украина од „140 милиони долари“ за време на разговорите со САД

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Руски и проруски канали ширеле лажна вест за корупциски скандал во Украина од „140 милиони долари“ за време на разговорите со САД

26 септември 2026

• од Гоце Кически

Русија ширела лажна приказна дека украинските антикорупциски власти пронашле 140 милиони долари кај поранешен функционер задолжен за одбранбени набавки. Дезинформацијата, создадена со помош на вештачка интелигенција, стигнала и до македонскиот медиумски и социјално-мрежен простор.

Во лажното видео се тврдело дека украинското Национално антикорупциско биро извршило претрес кај Арсен Жумадилов, поранешен шеф на Агенцијата за одбранбени набавки, и пронашло 140 милиони долари во готовина. Бирото категорично го демантираше тврдењето и соопшти дека таков претрес немало, а видеото било создадено со вештачка интелигенција.

За измамата да изгледа како вистинска новинарска сторија, била направена и лажна копија на веб-страницата на украинскиот медиум „НВ“. На неа била поставена измислената вест со дизајн речиси идентичен на оригиналниот медиум. „НВ“ потврди дека текстот никогаш не бил објавен од нивната редакција.

Дезинформацијата потоа била ширена преку проруски канали, руски медиуми и профили на социјалните мрежи. На 25 септември ја споделил и Кирил Дмитриев, претставник на Владимир Путин во разговорите со американската страна. Украинскиот Центар за стратешки комуникации оцени дека целта била Украина да се прикаже пред западната јавност како длабоко корумпирана во момент кога се воделе важни разговори меѓу Русија и САД.

Истата дезинформација стигнала и до Северна Македонија. Документирано е нејзино ширење од македонски медиумски личности и преку Фејсбук-страници, со што фабрикуваната приказна влегла и во домашниот информативен простор. Во дел од објавите, руското тврдење било пренесувано без јасна проверка дека украинските антикорупциски власти веќе го демантирале случајот.

Случајот покажува како руските информациски операции можат за кратко време да преминат од создавање лажна содржина, преку руски пропагандни канали, до локални медиумски и социјални мрежи во други земји. Украинските власти предупредуваат дека ваквите операции имаат цел да ја нарушат довербата во украинските институции и да ја ослабат меѓународната поддршка за земјата.