Јотова: Бугарија размислува за реципроцитет доколку САД не ги укинат визите за бугарските граѓани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Јотова: Бугарија размислува за реципроцитет доколку САД не ги укинат визите за бугарските граѓани

21 мај 2026

• од Темелко Тошев

Бугарија, како земја-членка на Европската Унија, би можела да воведе реципрочни мерки кон американските граѓани доколку не бидат укинати американските визи за Бугарите. Ова го истакна претседателката на Бугарија, Илијана Јотова, за време на нејзината посета на Пазарџик.

Коментирајќи го разговорот меѓу бугарскиот премиер Румен Радев и претседателот на САД, Доналд Трамп, во врска со укинувањето на визните ограничувања за бугарските граѓани, Јотова потенцираше дека Софија има полно право да ги користи европските механизми за притисок.

„Познато е дека постојат одредени критериуми кои треба да се исполнат за да паднат визите, но исто така знаете дека веќе подолго време не се применува еден многу важен услов на ЕУ. Тоа е правилото за реципроцитет – доколку на некоја држава од земјите-членки ѝ бидат одбиени визи, треба да има реципрочно дејствување кон земјата што ги одбива. Ова прашање е ставено 'во фиока' веќе неколку години. Така што, Бугарија може сосема слободно и аргументирано да ги изнесе своите барања“, изјави претседателката, пренесува бугарската телевизија БТВ.

Мерки за цените на храната и реформи во администрацијата

Покрај темата за визите, Јотова се осврна и на внатрешно-политичките прашања. Таа го оцени како правилен пристапот на владата за решавање на проблемот со високите цени на прехранбените производи, нагласувајќи дека е добро што тој се потпира на широка јавна дебата.

Во однос на планираните промени во државниот сектор, таа предупреди на опасностите од избрзани потези.

„Административната реформа не смее да се прави парцијално, таа мора да биде многу сериозно осмислена за да не дојде до блокирање на институциите. Се сеќавате колку тешко ја изградивме оваа администрација на почетокот кога Бугарија стана дел од ЕУ, и не смееме тоа да го прокоцкаме со лесна рака“, заклучи шефицата на државата.