Израел почнува летови за враќање на патниците заглавени во ОАЕ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Израел почнува летови за враќање на патниците заглавени во ОАЕ

02 октомври 2026

• од Гоце Кически

Израел од денеска почнува со специјални летови за враќање на патниците кои останаа заглавени во Обединетите Арапски Емирати, откако воздушниот сообраќај меѓу двете земји беше прекинат по нападот во авион на компанијата „Флајдубаи“.

Според АП, Израел и Обединетите Арапски Емирати постигнале договор за организирање летови за враќање на патниците. Првите авиони од Дубаи се очекуваат во Израел доцна во петок и рано во сабота, а дополнителни летови се планирани и за недела.

Редовните летови беа прекинати по сериозниот инцидент во авионот на „Флајдубаи“ кој во средата летал од Дубаи кон Тел Авив. Копилотот го нападнал и го избодел капетанот, а авионот нагло почнал да губи височина. Патници успеале да интервенираат и да го совладаат напаѓачот, по што авионот безбедно принудно слетал во Саудиска Арабија. Во авионот имало вкупно 182 лица.

Мотивот за нападот сè уште не е јавно утврден. Истрагата ја водат властите во регионот, а во неа се вклучени повеќе држави. Засега нема потврдени докази дека напаѓачот дејствувал како дел од поширока група.

Дубаи стана популарна дестинација за израелските туристи откако Израел и Обединетите Арапски Емирати воспоставија дипломатски односи во 2020 година, поради што прекинот на редовните летови остави голем број патници со ограничени можности за враќање дома.