Стевчо Јакимовски ќе бара одложување на затворската казна поради здравствени причини

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Стевчо Јакимовски ќе бара одложување на затворската казна поради здравствени причини

11 јуни 2026

• од Темелко Тошев

Поранешниот градоначалник на Општина Карпош, Стевчо Јакимовски, нема веднаш да замине зад решетки. Откако Кривичниот суд информираше дека му е издаден упатен акт според кој треба да се јави во затворот „Скопје“ на 2 јули, Јакимовски најави дека ќе бара одложување на извршувањето на затворската казна.

Информацијата за порталот „Фокус“ ја потврдил самиот Јакимовски, како и неговиот адвокат Виктор Цветковски, посочувајќи дека за ваквиот чекор постојат издржани аргументи кои се во согласност со Законот за извршување на санкциите.

„Постои законска можност, а постојат и оправдани здравствени причини... да, сигурно дека ќе бараме одложување“, изјавил адвокатот Цветковски.

Преостануваат уште седум месеци од казната

Пред неколку дена, Кривичниот суд соопшти дека по пресудата на Апелација, Јакимовски е правосилно осуден на една година затвор за случајот поврзан со изградбата на општинската зграда.

Сепак, тој нема да ја одлежи целосната година. Во изречената казна му се пресметуваат и петте месеци кои тој веќе ги помина во притвор. Тоа значи дека поранешниот градоначалник треба да помине уште седум месеци во затворот во Шуто Оризари.

Паралелно со барањето за одложување, Јакимовски најави дека правната битка ќе ја продолжи пред Врховниот суд, каде што ќе ја оспорува правосилната пресуда.

Што вели Законот за извршување на санкциите?

Според законските прописи, барањето за одложување на почетокот на извршувањето на казната затвор мора да се поднесе во рок од три дена од денот на приемот на упатниот акт.

Доколку судот го прифати барањето поради болест, одложувањето трае сè додека трае лекувањето. Притоа, осуденото лице има обврска на секои 30 дена да доставува доказ за својата здравствена состојба.

Законот предвидува одложување на влегувањето во затвор доколку осудениот исполнува еден од следните услови:

Здравствени причини: Се наоѓа на болничко лекување од потешка акутна болест или од зависности.
Семејни трагедии: Смрт или тешка болест во потесното семејство на осуденото лице.
Неодложни работи: Потреба од довршување на сезонски/полски работи или санација од елементарна непогода, доколку семејството нема друга работна сила.
Започната работа: Спречување на позначителна материјална штета поради прекинување на веќе започната работа.
Образование: Завршување на училишната година или полагање на подготвуван испит.
Социјален аспект: Доколку повеќе членови од семејството се осудени, па нивното истовремено затворање би ја загрозило егзистенцијата на старите, болните или малолетните членови во домаќинството.
Мајчинство: Осудената е жена чие дете е помало од една година, или е бремена (ако до породувањето има помалку од три месеци).
Грижа за немоќни лица: Доколку според органите за социјална заштита, лицето е неопходно за воспитување и чување на деца или згрижување на немоќни лица.