Родителите огорчени по пресудата за „Пулс“: Ова не е правда, туку понижување на жртвите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Родителите огорчени по пресудата за „Пулс“: Ова не е правда, туку понижување на жртвите

05 мај 2026

• од Тодор Вангелов

Пресудата со која тројца полицајци од Кочани беа прогласени за виновни во случајот „Пулс“, но добија условни казни, предизвика силни реакции кај родителите на загинатите и повредените во трагедијата. Наместо чувство на правда, кај нив преовладува разочараност, гнев и чувство дека системот повторно ги изневерил.

Судот им изрече условна казна затвор од една година на Кире Богатинов и Горан Лазаров, додека на командирот на ПС Кочани, Александар Темелков, му беше изречена условна казна од две години. Тоа значи дека тие нема да одат во затвор доколку во наредните четири години не сторат ново кривично дело.

За родителите, ваквата одлука е далеку од правдата што ја очекувале.

„Ние ги изгубивме нашите деца, а тие добија условни казни. Како е можно за 63 изгубени животи никој да не оди во затвор?“ прашува еден од родителите, кој инсистираше да остане анонимен.

Мајка на едно од загинатите деца вели дека пресудата ја доживува како нов удар.

„Ова не е правда, ова е понижување. Ни кажуваат дека животите на нашите деца не вредат ништо,“ вели таа низ солзи.

Родителите посочуваат дека не станува збор само за индивидуална вина, туку за системски пропуст кој, според нив, останува неказнет.

„Со години се дозволувале незаконитости. Никој не реагирал. И сега, кога има утврдена вина, добиваме условни казни. Што е пораката? Дека никој не одговара,“ вели татко на повредено дете.

Слична реакција стигна и од здружението „16 март“, кое оцени дека пресудата претставува минимизирање на одговорноста и сигнал дека системот се штити самиот себе.

Родителите бараат повисоките судови да ја преиспитаат одлуката и да донесат пресуда која, како што велат, ќе ја одразува тежината на трагедијата.

„Нема да молчиме. Ќе продолжиме да бараме правда, не само за нашите деца, туку и за да не се повтори вакво нешто никогаш повеќе,“ порачаа тие.

Трагедијата во „Пулс“ однесе 63 животи и остави над 200 лица повредени, а болката и револтот кај семејствата остануваат длабоки, особено во услови кога правдата, според нив, сè уште не е задоволена.