Рада Лајкова во Европскиот парламент: Ива Михаилова мора да добие лекување пред да биде предоцна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Рада Лајкова во Европскиот парламент: Ива Михаилова мора да добие лекување пред да биде предоцна

11 октомври 2026

• од Тодор Вангелов

Бугарската европратеничка Рада Лајкова на 10 октомври на својот профил на Фејсбук објави видео од обраќањето во Европскиот парламент, во кое побара итно да ѝ се овозможи медицинско лекување на Ива Михаилова. Таа предупреди дека одложувањето може да има трајни последици по нејзиното здравје.

Во говорот од 5 октомври, Лајкова го повика Европскиот парламент да обрне внимание на случајот, нагласувајќи ја важноста на заштитата на човековите права и правото на здравствена заштита.

„Лекарите велат дека таа има потреба од лекување, а судот повторно и повторно вели ‘не’. Постои ризик од траен инвалидитет“, изјави Лајкова.

Таа го критикуваше постапувањето на македонските судски власти, оценувајќи дека одлуките во случајот се спротивни на европските стандарди за човекови права.

„Колеги, ова не е правда, ова е казна“, порача европратеничката, повикувајќи се на одредбите од Европската конвенција за човекови права што се однесуваат на заштитата од нечовечко постапување и правото на правично судење.

Лајкова побара Европската комисија и високиот претставник на Европската Унија за надворешна политика официјално да го отворат случајот пред македонските власти.

„Ива Михаилова мора да добие лекување сега, пред да биде предоцна“, порача Лајкова на крајот од обраќањето.