Институтот за демократија „Социетас Цивилис“ бара повлекување на Законот за животна средина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Институтот за демократија „Социетас Цивилис“ бара повлекување на Законот за животна средина

09 октомври 2026

• од Гоце Кически

Институтот за демократија „Социетас Цивилис“ бара Собранието да го повлече Предлог-законот за изменување на Законот за животната средина и да отвори јавна и стручна расправа, објави „Слободен печат“.

Од Институтот предупредуваат дека со предложените измени се бришат одредбите што го регулираат управувањето со контаминираните подрачја, меѓу кои и познатите еколошки жаришта ОХИС, Југохром и Лојане.

„Загадените подрачја нема да исчезнат ако се избришат од законот“, е суштината на предупредувањето од ИДСЦС. Според Институтот, постојните одредби предвидуваат мерење на опасните супстанции, планови за санација и институционално следење на нивното спроведување.

Македонското здружение на млади правници претходно предупреди дека бришењето на овие одредби може да создаде правна празнина и трошоците за санација на загадените подрачја да паднат врз државата и граѓаните.

ИДСЦС посочува и дека европската директива, на која се повикуваат предлагачите, не бара укинување на националните механизми за управување со загадените подрачја. Напротив, европските правила им дозволуваат на државите да применуваат и построги мерки за заштита.

Загриженост предизвикува и предлогот реконструкцијата да биде изземена од забраната за тешка и загадувачка индустрија на помалку од пет километри од населено место или заштитено природно подрачје.

Институтот бара законот да биде повлечен, текстот да биде објавен за јавен увид и пред повторно да влезе во собраниска процедура да се спроведе транспарентна стручна и јавна расправа.