Меџити: Најдено е решение за правосудниот испит, студентите наместо да протестираат, треба да слават

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Меџити: Најдено е решение за правосудниот испит, студентите наместо да протестираат, треба да слават

28 мај 2026

• од Темелко Тошев

Копретседателот на коалицијата ВРЕДИ (VLEN), Изет Меџити, во своето најново обраќање пред новинарите, порача дека студентите немаат причина за понатамошни протести, туку напротив – треба да ја прослават нивната заедничка победа откако конечно е најдено решение за полагањето на правосудниот испит.

Меџити нагласи дека во соработка со владините партнери е постигнат договор кој го решава долгогодишниот проблем, и тоа не само за правосудниот, туку и за сите останати стручни испити во државата.

„Нема потреба од протест. Ние ги поддржуваме студентите и токму затоа седнавме и најдовме решение, но не само за правосудниот испит, туку и за сите стручни испити кои не беа решени цели 25 години. Ова решение го промовиравме заедно со владините партнери, а истото го потврди и премиерот“, изјави Меџити.

Тој го поздрави активизмот и критичката мисла на младите, но апелираше дека целта е постигната и сега е време за задоволство од резултатот.

„Им честитам на студентите за нивната организација, за протестите и за тоа што изразуваат поинакво размислување. Но, сакам јасно да потенцирам дека студентите повеќе немаат потреба да протестираат, туку треба да ја слават заедничката победа“, заклучи Меџити во својата изјава.