30 мај 2026
• од Темелко Тошев
САД се подготвени да ги обноват нападите врз Иран доколку не биде постигнат договор, изјави американскиот министер за одбрана, Пит Хегсет, пренесува Ројтерс.
Хегсет нагласи дека Вашингтон е повеќе од способен да ги обнови воените дејствија врз Техеран.
„Нашите залихи на оружје се повеќе од соодветни за тоа. Ние сме во многу добра позиција“, истакна американскиот министер за одбрана.
Според зборовите на Хегсет, САД не му свртеле грб на Азиско-пацифичкиот регион, и покрај актуелниот конфликт со Иран. Тој уверува дека американската војска има капацитет да биде фокусирана на повеќе региони одеднаш.
„Можеме да правиме две работи истовремено. Ја преоптоваруваме нашата одбранбена индустрија, така што многу наскоро ќе произведуваме двапати, трипати, па дури и четири пати повеќе муниција, за да гарантираме дека сите наши оперативни планови низ целиот свет се правилно финансирани и поддржани“, потенцираше тој.
Шефот на Пентагон посочи дека американскиот претседател Доналд Трамп е трпелив и сака да склучи договор кој трајно ќе гарантира дека Иран нема да се стекне со нуклеарно оружје.
На 29 мај, Трамп објави дека наскоро ќе донесе одлука дали ќе го продолжи примирјето со Иран, со цел да им се даде доволно време на преговарачите да најдат решение и да стават крај на конфликтот.
Војната, која беше започната од страна на САД и Израел на 28 февруари, досега однесе илјадници животи, претежно во Иран и Либан. Конфликтот предизвика и сериозни глобални економски проблеми, пред сè преку драстичното зголемување на цените на енергенсите, што е директна последица на ефективното затворање на Ормускиот теснец од страна на Иран.
Ненадминливи Понуди Дневно
4.8 (10276 рецензии)
Заштедете 152.00 ден

