Револуција во Бугарија: Личната карта, возачката дозвола и дипломите се селат во мобилниот телефон

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Револуција во Бугарија: Личната карта, возачката дозвола и дипломите се селат во мобилниот телефон

25 јули 2026

• од Темелко Тошев

Голема промена ги очекува граѓаните на Бугарија во однос на личните документи. Личната карта наскоро ќе биде достапна директно во паметните телефони на Бугарите, што значително ќе го олесни процесот на идентификација пред државните институции.

Во специјална мобилна апликација граѓаните ќе можат да ги чуваат сите важни документи, вклучително и возачката дозвола, па дури и образовните дипломи. Оваа новина произлегува од предлог-законот на бугарското Министерство за електронско управување за т.н. „Европски паричник за дигитален идентитет“. Јавната расправа по овој предлог е веќе завршена, а законот е поднесен на усвојување во Народното собрание. Проектот е дел од пошироката иницијатива на Европската Унија за воведување на European Digital Identity Wallet.

Што сѐ ќе содржи апликацијата?

Според предлог-законот, апликацијата ќе служи како главно средство за електронска идентификација. Таа ќе им овозможи на граѓаните брз пристап до административни и други електронски услуги, размена на документи со администрацијата, како и добивање електронски известувања. Предвиден е и пристап до Единствениот портал за електронска правда, како и модул за докажување на физичко присуство.

Преку својот дигитален паричник, граѓаните ќе можат да ги проверуваат:

Своите пораки во Системот за сигурно електронско доставување;
Електронските казни, казнените налози и актите за административни прекршоци;
Должините даноци и такси (вклучително и локалните), со можност за директно електронско плаќање;
Податоците од електронското правосудство и регистрите.

Дали физичката лична карта оди во историјата?

Предлог-законот предвидува можност за презентирање на документот за самоличност во електронска форма. Сепак, тоа не значи дека пластичната лична карта веднаш станува бескорисна. Сè додека законот, подзаконските акти, сертифицирањето и самата апликација не бидат целосно готови и функционални, граѓаните ќе ги користат досегашните физички документи.

Како ќе се прави регистрацијата и ќе има ли бесплатен електронски потпис?

Првичната регистрација во апликацијата ќе може да се направи на неколку начини: преку веќе постоечко средство за електронска идентификација, преку скенирање на машински читливата зона на бугарската лична карта, преку отчитување на нејзиниот електронски носител или преку бесконтактно читање на сертификат за електронски идентитет.

Она што е особено привлечно за граѓаните е можноста за бесплатно потпишување со квалификуван електронски потпис (КЕП) преку државниот дигитален паричник. Државата ќе ги покрива трошоците кон провајдерите, но сепак ќе постојат одредени ограничувања за да се спречи злоупотреба при масовна комерцијална и професионална употреба.

Кога ќе профункционира системот?

Доколку законот биде усвоен во предложената форма, бугарската Влада ќе има рок од 9 месеци да ги усогласи сите правилници, а ресорниот министер ќе има обврска да го изгради и пушти во употреба државниот дигитален паричник најдоцна 18 месеци по стапувањето на законот во сила. Дополнително, ќе треба да се воспостави и национална шема за сертифицирање на европските паричници.