Зијадин Села: Не се откажуваме од визијата на Алијанса за Албанците

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Зијадин Села: Не се откажуваме од визијата на Алијанса за Албанците

17 јуни 2026

• од Темелко Тошев

Лидерот на новоформираната „Албанска лига“, Зијадин Села, изјави дека не се откажува од Алијанса за Албанците (АА). Според него, судскиот процес сè уште трае, а оној кој вистински треба да се откаже од партијата е Арбен Таравари.

Во интервју за телевизијата Алсат, Села истакна дека дури и доколку судот донесе одлука печатите на партијата да му припаднат нему, тие ќе продолжат да дејствуваат под новото име „Албанска лига“. Причината за ова, како што вели тој, се предавствата што се случиле внатре во Алијанса за Албанците, поради кои таа сега во очите на граѓаните изгледа како „партија без чест и достоинство“.

Во врска со одлуката за ребрендирање и пререгистрација, Села појасни дека таквото сценарио било предвидено и во самиот партиски статут.

„Во статутот на партијата ја имавме предвидено целата оваа ситуација што ѝ се случи на АА. Поконкретно, членот 192 предвидуваше ситуации кога претходниот состав нема да ги предаде печатите, тогаш Собранието на партијата се обврзува да регистрира нов политички субјект, и во согласност со тоа ние ја регистриравме Албанската лига. Од август минатата година, пред локалните избори, а ова беше петтиот конгрес на АА на кој преминавме од АА во Албанска лига, се интегриравме. Одлуката беше сите структури на Алијанса да се интегрираат во новото тело“, изјави Села.

И покрај формирањето на новиот субјект, Села нагласи дека правната битка за името и печатите на АА не е завршена.

„Ние сметаме дека сме во тоа што е наше. И од АА не сме се откажале, судскиот процес продолжува. Тој што треба да се откаже од оваа работа е Арбен Таравари, затоа што не е лесно да се земе и да се задржи нешто што е туѓо. Да се земе можеби е лесно, но да се задржи е тешко“, дециден е претседателот на Албанската лига, Зијадин Села.