ИРЛ ги отфрла нападите: Договорот со МРТВ е јавен, содржините се во тек

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ИРЛ ги отфрла нападите: Договорот со МРТВ е јавен, содржините се во тек

07 мај 2026

• од Темелко Тошев

Истражувачката репортерска лабораторија (ИРЛ) ги демантираше, како што велат, лажните и координирани тврдења објавени од неколку интернет портали во врска со договорот за соработка со Македонската радио-телевизија.

Од ИРЛ посочуваат дека договорот со МРТВ е потпишан во 2023 година, трае до крајот на септември 2026 година и не е таен. Според организацијата, станува збор за копродукциска соработка каква што јавниот сервис има и со други домашни продукции, профитни и непрофитни организации.

ИРЛ категорично ги отфрла обвинувањата за наводно неисполнување на обврските, нагласувајќи дека редакцијата тековно работи на преостанатите видео содржини и има детален план за нивна објава до крајниот рок.

Организацијата ги демантира и тврдењата дека нема вработени. Според ИРЛ, лабораторијата има 10 вработени, додека ИРЛ Стори Лаб има уште тројца, покрај надворешните соработници ангажирани за продукција.

Нападите врз ИРЛ се оценуваат како обид за дискредитација на истражувачкото новинарство и притисок врз медиумите кои работат на теми поврзани со корупција и организиран криминал.

Работата на ИРЛ има јавно признати резултати. Содржините произведени во рамки на соработката со МРТВ досега освоиле 11 домашни и меѓународни награди, меѓу кои и престижната „Global Shining Light Award 2023“, која ИРЛ и МРТВ ја делат со британскиот јавен сервис BBC.

Во време кога независното новинарство е под постојан притисок, поддршката за редакции како ИРЛ е поддршка за јавниот интерес, отчетноста и борбата против злоупотребите на моќта.