Тринаесет земји бараат „темелно чистење“ на законите на ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Тринаесет земји бараат „темелно чистење“ на законите на ЕУ

21 септември 2026

• од Димитар Стојановски

Тринаесет земји членки на Европската Унија побараа систематско преиспитување и поедноставување на европските закони, со цел да се намали бирократијата и да се подобрат условите за компаниите. Иницијативата ја предводи Австрија.

Земјите предлагаат постојните правила да се проверуваат по сектори за да се утврди кои од нив сѐ уште се потребни, кои треба да се изменат, а кои создаваат непотребен административен товар.

Тие бараат и новите европски закони задолжително да се оценуваат според нивното влијание врз конкурентноста и иновациите. Секој поголем нов услов за компаниите би требало да биде проследен со проверка дали може да се поедностават или укинат постојните обврски.

Предлогот предвидува и период во кој ЕУ повеќе би се насочила кон спроведување и поедноставување на веќе усвоените правила, наместо кон создавање нови административни обврски. Притоа, земјите нагласуваат дека треба да останат сегашните стандарди за здравје, безбедност и заштита на работниците.

Европската комисија веќе спроведува сопствена програма за поедноставување на европските прописи. Во неа се опфатени области како финансии, земјоделство, транспорт, енергетика, клима, дигитални правила и безбедност на храната, со цел да се отстранат застарените и непотребно сложени одредби.