04 март 2026
• од Гоце Кически
Бугарскиот атлетичар Христо Илиев продолжува да испишува нови страници во атлетиката. Тој ја освои националната титула на Бугарија на 60 метри со извонредно време од 6.51 секунди, со што постави нов национален рекорд на Бугарија и нов европски рекорд за млади атлетичари до 23 години.
Илиев, кој тренира под водство на тренерката Валја Демирева, уште еднаш ја потврди својата одлична форма оваа зима. Само една недела претходно тој стана балкански шампион, исто така со национален рекорд од 6.53 секунди. Со последниот резултат од 6.51 секунди, тој по трет пат во текот на овој месец го подобрува националниот рекорд на Бугарија во оваа дисциплина.
До зимата 2026 година, бугарскиот рекорд на 60 метри кај мажите изнесуваше 6.58 секунди, поставен од Петар Петров пред цели 48 години. Со своите извонредни настапи, Илиев не само што го собори овој долгогодишен рекорд, туку и го постави на ново, повисоко ниво.
На второто место во трката се пласираше Никола Караманолов, кој исто така оствари личен рекорд од 6.60 секунди. Сепак, тој остана само една стотинка под нормата за учество на Светското првенство во сала што ќе се одржи во Торун во март.
Третото место го освои Дејан Цветанов, кој исто така постигна личен рекорд со време од 6.80 секунди.
Настапот на Христо Илиев уште еднаш потврдува дека тој е еден од најперспективните млади спринтери во Европа и сериозно име во иднината на атлетиката.
Ненадминливи Понуди Дневно
4.8 (10276 рецензии)
Заштедете 152.00 ден

