Жерновски: Со оваа влада нема да видиме вистински чекор кон ЕУ, таму нема шверц на 5 тони дрога и тендери за семејни бизниси

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Жерновски: Со оваа влада нема да видиме вистински чекор кон ЕУ, таму нема шверц на 5 тони дрога и тендери за семејни бизниси

04 март 2026

• од Станча Јаќимовски

Претставникот на СДСМ, Андреј Жерновски, упати остри критики кон актуелната влада, тврдејќи дека нејзините политики и постапки ја оддалечуваат државата од членство во Европската Унија. Според него, причината е тоа што европските стандарди не дозволуваат злоупотреби и скандали какви што, како што рече, се случуваат во земјата.

„Имаме влада која не сака ние да бидеме во ЕУ, бидејќи ако си членка на Европската Унија, нема пет тони дрога што можат да се шверцуваат во твојата држава, нема 161 тендер за еден семеен бизнис, нема премиер кој ќе го постави својот советник за уставен судија, ниту пак сопруга на гласач на ВМРО-ДПМНЕ да биде избрана за член на Судскиот совет. Такви работи не постојат во Европската Унија“, изјави Жерновски.

Тој нагласи дека токму ваквите појави, според него, се причината поради која од оваа влада не може да се очекува вистински напредок на патот кон членство во ЕУ.

Жерновски се осврна и на, како што рече, големиот скандал поврзан со заплената на пет тони дрога. Според него, веќе еден месец јавноста нема одговори од надлежните институции.

„Помина еден месец, а ниту премиерот ниту некој од владата даде одговор: која компанија стои зад тоа, од каде потекнуваат тие пет тони дрога, кој е транспортерот и дали е можно таква количина да помине низ царина и полиција на граница без претходен договор. За овие пет тони дрога за кои владата молчи, на крајот одговорноста ќе стигне до премиерот“, рече Жерновски.

Тој додаде дека, иако од ВМРО-ДПМНЕ тврдат дека одговорноста ќе стигне до други лица, според него, случајот на крајот ќе води до актуелниот премиер.