Села: Законот за правична застапеност е измама на ВМРО-ДПМНЕ, ќе поднесеме наш предлог со казни за злоупотребите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Села: Законот за правична застапеност е измама на ВМРО-ДПМНЕ, ќе поднесеме наш предлог со казни за злоупотребите

15 април 2026

• од Темелко Тошев

Претседателот на Алијансата за Албанците, Зиадин Села, упати остри обвинувања до коалицијата ВЛЕН и Владата, нарекувајќи го најавениот закон за правична и соодветна застапеност „политичка измама“ и производ на ВМРО-ДПМНЕ.

Во гостувањето во емисијата „ZOOM“ на РТМ2, Села ги отфрли тврдењата на ВЛЕН дека тие се носители на оваа кауза. Тој потсети дека ова прашање лично го покренал уште во 2017 година, а во 2020 година тоа беше еден од столбовите на неговата изборна кампања. Според него, она што денес му се сервира на јавноста не е реформа, туку „неуспешна копија“ на Балансерот која само ќе го зачува status quo статусот на Албанците во Македонија.

Алтернативен закон со строги казни

Села најави дека Алијансата за Албанците ќе достави свој предлог-закон до Собранието, кој ќе постави јасни стандарди и строги санкции за сите кои ќе се обидат да го изманипулираат системот.

„Ќе поднесам закон кој ќе воспостави стандард, а не лага како ова што се предлага. Не смееме да дозволиме ова да помине во форма во која тие се обидуваат да го протуркаат. Мојот предлог ќе предвидува казнени механизми – парични казни и отказ од работа за секој што манипулира со етничката припадност за да обезбеди работно место“, дециден е Села.

Спорно е докажувањето на етничката припадност

Лидерот на АА го критикуваше обидот на власта да го ограничи правото на етничко изјаснување само според податоците од последниот попис. Тој предложи алтернативно решение:

Секој граѓанин да има право да ја докаже својата припадност преку официјален документ од Државниот завод за статистика при секое конкурирање за работа.
Да се оневозможи промена на етничката припадност „преку ноќ“ само за потребите на одреден оглас.

„Законот се држи во тајност, дури ни ВЛЕН не го видел“

Села алармираше дека владиниот нацрт-закон се чува во строга тајност и тврди дека до него немаат пристап ниту опозицијата, ниту албанските партии во власта.

„Ви гарантирам дека овој документ не го видела ниту албанската, ниту македонската опозиција. Досега нема пристигнато никаков официјален документ во Собранието. Убеден сум дека дури ни тие од ВЛЕН го немаат видено текстот на законот што го најавуваат“, заклучи Села.