Градоначалникот отвора бутик, Аеродром се претвора во Сахара: Жителите револтирани од комуналниот хаос

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Градоначалникот отвора бутик, Аеродром се претвора во Сахара: Жителите револтирани од комуналниот хаос

22 јуни 2026

• од Темелко Тошев

Жителите на Општина Аеродром сѐ погласно реагираат на лошото одржување на јавните површини, расфрланото ѓубре и очигледната негрижа за зеленилото. Но, она што дополнително го поттикна револтот кај граѓаните е фактот што, додека тие се соочуваат со комунален хаос, градоначалникот, според објавените фотографии, времето го поминува на отворање на познат бутик во трговскиот центар „Капитол“.

На социјалните мрежи изминатите денови се појавија бројни поплаки и фотографии кои сведочат за сериозни проблеми во повеќе населби низ општината.

Купишта ѓубре и исушено зеленило

Граѓаните се жалат дека комуналните служби не си ја вршат работата навремено, а зелените површини се оставени на милост и немилост на временските услови.

„Јане Сандански 86, 10 пати пријавено, ниту еднаш исчистено“ – напиша жителка на Аеродром, објавувајќи фотографија од куп кабаст отпад оставен покрај контејнерите.

Особено загрижувачка е состојбата со новозасадените дрвца и тревниците. Жителите предупредуваат дека инвестираните средства во раззеленување ќе пропаднат доколку не се обезбеди редовно наводнување.

„Општина Аеродром, летото уште не е почнато, а тревата и младите дрвца веќе се исушени. На оваа локација неодамна беа засадени нови садници, но очигледно никој не ги наводнува редовно. Во вакви температури, без вода, поголемиот дел од нив нема да го преживеат летото. Ако веќе се вложени време, труд и пари за пошумување и раззеленување, да не дозволиме садниците да се исушат по неколку месеци.“

Слична слика споделуваат и други граѓани кои маалските паркови ги споредуваат со пустина.

„Аеродромска Сахара. И оваа година, како и секоја претходна, овој мал дел што не е бетониран го оставивте да се исуши без трунка совест. Дрвата се повеќе од пола исушени, а другата половина едвај преживуваат.“

Игнорирани предупредувања: Паѓаат дрвја, безбедноста загрозена

Проблемот не е само естетски, туку прераснува и во безбедносен. Граѓаните алармираат за стари и неодржувани дрвја кои паѓаат и претставуваат опасност за минувачите и возилата. Еден од жителите објави фотографија од паднато дрво на улицата „Комаров“ број 25, посочувајќи дека ова е четврт ваков инцидент во краток период.

„Падна дрво на Комаров 25. Четврто за седум месеци. Кога падна третото, им рековме на службите да го средат и ова дрво. Но умните и зафатени стручни лица нѐ игнорираа. Градоначалник, општина не е улица, не е маало. Општина е заедница од секакви случувања и работи. Дајте нешто сработете редовно и за сите. Ова е четврти пат на ваша неажурност.“

Задоцнета реакција?

По лавината реакции и поплаки од граѓаните, утрово на официјалната Фејсбук страница на Општина Аеродром осамна објава дека е започната „работна акција“. Останува да се види дали оваа акција суштински ќе ги реши наталожените комунални проблеми или е само краткорочен обид за гаснење на револтот на аеродромци.