Денеска 18 мај 2026 година се празнува Светата великомаченичка Ирина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 18 мај 2026 година се празнува Светата великомаченичка Ирина

18 мај 2026

• од Темелко Тошев

Православните верници денеска го одбележуваат споменот на Светата великомаченичка Ирина, светителка од апостолските времиња чиј живот е сведоштво за непоколеблива вера и бројни Божји чуда. Преку нејзините страдања и проповеди, се смета дека таа успеала да приведе кон христијанската вера околу сто илјади незнабошци ширум Балканот.

Од незнабошката Пенелопа до христијанката Ирина

Света Ирина живеела во градот Магедон, каде што нејзиниот татко Ликиниј бил владетел. Некои преданија посочуваат дека таа веројатно имала словенско потекло.

Родена во незнабожечко семејство, нејзиното родено име било Пенелопа. За христијанската вера првпат слушнала од нејзиниот учител Апелијан. Нејзиниот духовен пат започнал кога Светиот Тимотеј, ученик на апостолот Павле, ја крстил неа и уште неколку дворјанки, давајќи ѝ ги да ги чита Посланијата на светиот апостол Павле.

Откако целосно му се посветила на Бога, таа одбила да се омажи, што предизвикало голем гнев кај нејзиниот татко. Тој се обидел да ја мачи, но таа на чудесен начин успеала да го преобрати во христијанство.

Години на мачење и Божји чуда

Покрај нејзиниот татко, Света Ирина била подложена на страшни маки од уште четворица други цареви. Сепак, според житието, Бог секогаш ја спасувал преку Своите Ангели. Меѓу најпознатите чуда поврзани со нејзиното страдање се издвојуваат:

Цар Седекија: Ја закопал до глава во ендек исполнет со отровни змии и скорпии, но Божји Ангел ги умртвил гадинките. Потоа се обидел да ја иструже со пила, која се одбивала од нејзиното тело како од камен, а кога ја врзал за тркало под воденица, водата чудесно престанала да тече.
Цар Савах (синот на Седекија): Ја потковал со клинци, ја натоварил со вреќа песок и наредил да ја водат како добиче. Ангел Господов тогаш ја затресол земјата, која се отворила и ги проголтала мачителите.
Цар Нумеријан (во градот Калипол): Ја фрлал во три усвитени метални вола едно по друго, но девицата секој пат останувала жива и неповредена, по што многуброен народ поверувал во Бога.
Епарх Ваводин (во градот Константин): Се обидел да ја убие ставајќи ја врз усвитени решетки, но и овој обид бил безуспешен.

Чудесното воскресение и празниот гроб

Својот земен пат Света Ирина го завршила во градот Месемвриј. Таму, царот Савориј наредил да ја убијат, но Бог ја оживеал. Гледајќи го ова невидено чудо, царот и целиот народ веднаш ја прифатиле христијанската вера.

Откако ги исполнила своите мисии, Света Ирина самата легнала во гробницата и му наредила на својот поранешен учител Апелијан да го затвори гробот. Кога по четири дена верниците го отвориле гробот, нејзиното тело не било внатре.

Светата великомаченичка Ирина останува запаметена како една од најмоќните фигури во раното христијанство, која претрпела сè за да го прослави Бога меѓу луѓето.