За 24 часа приведени 22 возачи за невнимателно управување со моторно возило

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

За 24 часа приведени 22 возачи за невнимателно управување со моторно возило

13 јули 2026

• од Темелко Тошев

Полициски службеници во текот на изминатите 24 часа на целата територија на државата лишиле од слобода 22 возачи поради „невнимателно управување со моторно возило“, соопшти Министерството за внатрешни работи (МВР).

Од вкупниот број приведени, 13 лица управувале возило без да поседуваат возачка дозвола. Од нив, четворица се регистрирани во Скопје, четворица во Битола, двајца во Виница и по еден во Куманово, Кавадарци и Тетово, при што еден од овие возачи управувал и под дејство на алкохол.

Дополнително, полицијата санкционирала и други возачи кои возеле во пијана состојба – по две лица во Скопје и во Крива Паланка, како и по едно лице во Велес, Куманово, Штип и Струмица. Исто така, приведено е и едно лице од Скопје кое управувало нерегистрирано возило.

Од Министерството информираат дека по целосно расчистување и документирање на случаите, против прекршителите ќе бидат поднесени соодветни кривични пријави.

„Апелираме до сите учесници во сообраќајот да ги почитуваат сообраќајните правила и прописи, да не седнуваат зад воланот без возачка дозвола, доколку имаат изречена мерка забрана за управување моторно возило или доколку се под дејство на алкохол. Сите заеднички да придонесеме за побезбеден сообраќај“, потенцираат од МВР.