Кузеска: Европа не сака да прими организирана криминална група во својот систем

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кузеска: Европа не сака да прими организирана криминална група во својот систем

06 мај 2026

• од Гоце Кически

СДСМ обвини дека власта предводена од премиерот Христијан Мицкоски и ВМРО-ДПМНЕ ја оддалечува Македонија од Европската Унија преку, како што велат од партијата, партизација на институциите, притисок врз медиумите, сомнителни тендери и заробување на државата.

Портпаролката на СДСМ, Богданка Кузеска, во политичка реакција порача дека граѓаните мора јасно да разберат зошто Европската Унија инсистира на реформи пред прием на земјата во членство.

„Европа не може и не сака да прими организирана криминална група во својот систем“, изјави Кузеска.

Според неа, реформите што ги бара ЕУ не се само технички услов, туку суштинска заштита од криминал, корупција, партизација на институциите, контрола врз медиумите и заробена држава. Кузеска нагласи дека европскиот систем се темели на владеење на правото, слобода на говорот и слобода на медиумите, а токму тие принципи, според СДСМ, се нарушуваат од актуелната власт.

Од СДСМ обвинуваат дека ВМРО-ДПМНЕ ја партизира судската власт и обвинителството преку поставување, како што велат, свои луѓе на клучни позиции со цел заштита на партиски и лични интереси. Кузеска посочи и на притисоци врз медиумите, тврдејќи дека дел од медиумскиот простор е под влијание на, како што рече, „Орбановата мрежа“, додека врз останатите медиуми се врши притисок преку буџетско финансирање.

Таа ја критикуваше и работата на Собранието, оценувајќи дека се воведуваат механизми за ограничување на говорот, што според неа претставува авторитарна пракса и спротивност на европските демократски стандарди.

Кузеска изнесе и обвинувања за сомнителни јавни набавки, наведувајќи случаи со голем број тендери доделени на поединечни фирми, тендер во „Пошта“ поврзан со ЗНАМ, како и други набавки кои, според СДСМ, укажуваат на системска злоупотреба на државни пари.

Во изјавата таа се осврна и на случајот со пренос на пет тони дрога преку граница, обвинувајќи дека власта молчи за случајот и дека тоа дополнително ја поткопува довербата во институциите.

„Ова не е демократија. Ова е организирана криминална група која ја зароби државата“, порача Кузеска.

Според СДСМ, токму поради ваквите состојби Европската Унија бара независно судство, слободни медиуми, контрола на трошењето јавни пари и владеење на правото.

Кузеска оцени дека Македонија под власта на Мицкоски не може да стане членка на Европската Унија, туку ризикува да остане изолирана и заробена држава на Балканот.