Грчкиот европратеник Фрагкос: Скопје е „држава без историски темели, изградена на туѓа парцела“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Грчкиот европратеник Фрагкос: Скопје е „држава без историски темели, изградена на туѓа парцела“

22 јули 2026

• од Темелко Тошев

Грчкиот пратеник во Европскиот парламент, Емануил Фрагкос (Фрагкулис), упати жестоки критики кон македонските евроинтеграции, нарекувајќи го македонското барање за членство во Европската Унија „смешно“. Во своето најново обраќање, тој ја обвини македонската држава за фалсификување на историјата, а истовремено упати и остри зборови кон грчката влада поради нејзината пасивност.

„Европската Унија не смее да замижува“

Фрагкос во својот говор директно ги оспори историските темели на нашата држава и побара од институциите на ЕУ да не толерираат вакво однесување, доколку навистина се залагаат за владеење на правото.

„Скопје бара европска интеграција. Тоа е смешно. Истовремено, тие продолжуваат да градат лажен наратив врз кражбата на грчката историја, додека неприфатливата грчка влада се занимава со други работи. Со децении Скопјаните ги узурпираат името, симболите и наследството на Македонија. Европската Унија не смее да замижува. Не може да бара почитување на владеењето на правото, а истовремено да толерира фалсификување на историјата“, истакна Фрагкос пред европратениците.

Повик за блокирање на европскиот пат

Во вториот дел од својата изјава, грчкиот европратеник ја засили својата реторика, порачувајќи дека ќе инсистираат на целосна блокада на влезот на земјава во Европската Унија. Тој употреби метафора со која ја негираше историската основа на македонската државност.

„Скопје мора да разбере една едноставна работа: не може да се изгради држава без историски темели, со туѓи материјали на узурпирана парцела. Ние ќе инсистираме Скопје да не влезе во Европската Унија. Крај на толеранцијата. Крај на илузиите“, дециден беше Фрагкос.

Оваа изјава доаѓа во период кога односите меѓу Скопје и Атина повторно се под лупа поради имплементацијата на Преспанскиот договор, при што радикалните и десничарските политички струи во Грција континуирано ја користат темата за собирање политички поени и притисок врз официјална Атина.