Денеска 9 март 2026 година се празнува Наоѓањето на главата на Свети Јован Крстител

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 9 март 2026 година се празнува Наоѓањето на главата на Свети Јован Крстител

09 март 2026

• од Вардарски

Денес православните верници го одбележуваат празникот Наоѓање на главата на Свети Јован Крстител, еден од значајните настани поврзани со животот и почитувањето на овој голем пророк и претеча на Христос.

Свети Јован Крстител, великиот и славен пророк, беше убиен по желба и наговор на злобната Иродијада, жената на царот Ирод. Откако му ја отсекоа главата, таа нареди да не биде погребана заедно со неговото тело, плашејќи се дека големиот пророк би можел некако да воскресне. Затоа ја зела неговата глава и ја закопала на едно скриено и бесчесно место длабоко во земјата.

Но дворјанката Јоана, жената на Хуза, не можела да дозволи главата на Божјиот човек да остане на такво место. Тајно ја откопала и ја однела во Ерусалим, каде што ја закопала на Елеонската Гора.

Во меѓувреме, царот Ирод, кога слушнал дека Исус прави големи чуда, се исплашил и рекол: „Тоа е Јован когошто јас го убив; стана од мртвите“ (Марко 6,16).

Подоцна, еден угледен и богат човек поверувал во Христа, се откажал од својата положба и светската суета и се замонашил под името Инокентиј. Тој се населил на Елеонската Гора, токму на местото каде што била закопана главата на Свети Јован Крстител. Кога започнал да копа за да изгради келија, пронашол земјен сад во кој се наоѓала главата. На таинствен начин му било откриено дека тоа е главата на Крстителот. Тој ја целивал со голема почит и повторно ја закопал на истото место.

Со текот на времето, по Божја промисла, оваа чудотворна глава минувала од рака на рака и понекогаш паѓала во заборав, но повторно била откривана и почитувана. На крајот, во времето на благочестивата царица Теодора – мајка на Михаил и сопруга на царот Теофил – и во времето на патријархот Игнатиј, светата глава била пренесена во Цариград.

Од моштите на Свети Јован Крстител се случиле многубројни чуда. Интересно е што додека бил жив, Свети Јован не извршил ниедно чудо, но на неговите свети мошти подоцна им бил даден дарот на чудотворство.