Денеска 23 март 2026 хгодина се одбележува споменот на Преподобната мајка Анастасија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 23 март 2026 хгодина се одбележува споменот на Преподобната мајка Анастасија

23 март 2026

• од Вардарски

Православните верници денеска го чествуваат споменот на Преподобната мајка Анастасија, како и на светите маченици Кодрат Никомидиски и Кодрат Коринтски со другите што пострадаа за христијанската вера.

Преподобната мајка Анастасија била благородна жена и дама на дворецот на царот Јустинијан. По смртта на својот сопруг и поради нетрпеливоста на царицата Теодора кон неа, таа го напуштила Цариград и се повлекла во Мисирската пустина. Таму, со благослов на духовникот авва Данило, примила монашки постриг и живеела под машки лик како монах Анастасиј, со цел полесно да го продолжи својот духовен подвиг и да остане скриена.

Анастасија поминала цели дваесет и осум години во строга осаменост, затворена во тесна келија, посветена на молитва и духовно усовршување. Се упокоила во 563 година, а според преданието, пред нејзината смрт нејзиниот духовник го видел нејзиното лице како сјае „како сонце“.

Црквата денеска го спомнува и Светиот маченик Кодрат Никомидиски, богат и угледен човек кој, иако бил во опасност, им помагал на затворените христијани за време на прогоните на царот Валеријан. Тој тајно влегувал во затворите, носел храна и ги охрабрувал верниците да истраат во верата. Кога бил откриен, храбро ја исповедал својата вера пред судијата и бил осуден на смрт, заедно со други христијани.

Дополнително, се чествува и Светиот маченик Кодрат Коринтски, кој како дете останал сирак и пораснал во пустина, според Божјата промисла. Подоцна станал познат по својата мудрост и лекарска вештина, помагајќи им на луѓето не само со лекови, туку и со молитва.

За време на прогоните под царот Декиј, Кодрат бил уапсен и изведен на суд, заедно со своите соборци Кипријан, Дионисиј, Анект, Павле и Крискент. Тие биле изложени на тешки маки, влечени по улиците и каменувани, но останале цврсти во својата вера. На крајот биле погубени во Коринт во 250 година.

На местото на нивното страдање, според преданието, извирал извор што и денес го носи името Кодратов, како сведоштво за нивната жртва и верност кон христијанската вистина.

Овој ден потсетува на силата на верата, пожртвуваноста и духовната истрајност на оние кои го посветиле својот живот на Бога.