Заедничка изјава на Франција, Германија и Обединетото Кралство за иранските напади врз земјите во Средниот Исток

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Заедничка изјава на Франција, Германија и Обединетото Кралство за иранските напади врз земјите во Средниот Исток

01 март 2026

• од Тодор Вангелов

Лидерите на Франција, Германија и Обединетото Кралство изразија длабока згрозеност од неселективните и непропорционални ракетни напади што Иран ги изврши врз повеќе земји во регионот, вклучително и врз држави кои не беа вклучени во првичните воени операции на САД и Израел.

Во заедничката изјава, трите европски сили – познати како Е3 – ги осудија, како што наведуваат, „непромислените ирански напади“ кои биле насочени кон нивни блиски сојузници и кои претставуваат закана за нивниот воен персонал и цивилното население низ регионот.

„Ги повикуваме иранските власти веднаш да ги запрат овие непромислени напади“, се наведува во соопштението.

Е3 најавува дека ќе преземе неопходни чекори за заштита на сопствените интереси и интересите на своите сојузници во регионот. Според изјавата, тоа може да вклучува овозможување неопходни и пропорционални одбранбени мерки со цел уништување на иранските капацитети за лансирање ракети и беспилотни летала од нивниот извор, доколку тоа се покаже како потребно.

Лидерите исто така информираат дека постигнале договор за координирана соработка со Соединетите Американски Држави и со сојузниците во регионот во врска со ова прашање.

Со оваа заедничка позиција, Франција, Германија и Обединетото Кралство испраќаат јасна порака дека ќе дејствуваат координирано во одговор на, како што ја оценуваат, ескалацијата на безбедносната состојба предизвикана од иранските напади.