Туск: Можно е голем конфликт меѓу Европа и Русија до 2027 година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Туск: Можно е голем конфликт меѓу Европа и Русија до 2027 година

27 јули 2025

• од Станча Јаќимовски

Полскиот премиер Доналд Туск предупреди дека Европа, а особено Полска, треба да бидат подготвени за евентуален голем конфликт со Русија до 2027 година. Изјавата ја даде во саботата, повикувајќи се на проценки од новиот врховен командант на НАТО, Алексус Гринкевич, пренесуваат агенциите PAP и DPA.

Туск нагласи дека неговата влада ќе ги искористи следните две години за да ја стабилизира состојбата во земјата и да ја зајакне националната безбедност. „Се наоѓаме во критичен историски момент. Европа мора да биде подготвена за секакво сценарио,“ изјави тој.

Според проценките на НАТО, до 2027 година Русија и Кина би можеле да постигнат доволна воена моќ за координирана конфронтација со НАТО и Соединетите Американски Држави. Воени експерти од Западот веќе дискутираат за можни датуми кога би можела да се случи следната ескалација на руската агресија. 2027 година е досега најраната година што се споменува во овие анализи. Од друга страна, германскиот министер за одбрана Борис Писториус изјави дека сличен ризик гледа околу 2029 година.

Во меѓувреме, земјите членки на Европската Унија активно се превооружуваат со цел да бидат подготвени да одбијат евентуален руски напад до 2030 година. И Русија, исто така, продолжува со зголемување на својата воена моќ.

Москва, сепак, ги отфрли тврдењата дека има намера да напаѓа територии на НАТО, нарекувајќи ги тие идеи „бесмислени“. Рускиот весник „Комсомольская правда“ неодамна тврдеше дека, всушност, НАТО е тој што планира напад врз Русија во 2027 година.

Изјавата на Туск доаѓа во контекст на продолжената војна во Украина, која веќе сериозно ги наруши безбедносните рамнотежи во Европа. Западните сојузници сè повеќе ја интензивираат поддршката за Украина и работат на јакнење на одбранбените капацитети на целата алијанса.

Туск, кој се врати на функцијата премиер на Полска кон крајот на 2023 година, е гласен поддржувач на зајакнување на европската безбедност и единство во односот кон руската агресија.