Тибет во фокусот по победата на Далај Лама на Греми

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Тибет во фокусот по победата на Далај Лама на Греми

02 февруари 2026

• од Станча Јаќимовски

Будистичкиот духовен водач Далај Лама ја прими својата прва награда Греми награди со благодарност, откако победи во категоријата аудиокнига, нарација и раскажување со делото „Медитации: Размислувањата на Неговата Светост Далај Лама“.

Деведесетгодишниот харизматичен лидер, кој живее во егзил во Индија од 1959 година, со децении е симбол на мирниот отпор и гласот за автономија на Тибет. Додека милиони луѓе ширум светот го почитуваат како морален авторитет и духовен учител, Пекинг го смета Тибет за „неразделен дел од Кина“ и неговите ставови за политичка провокација.

„Ова признание го примам со благодарност и понизност. Не го гледам како нешто лично, туку како признание на нашата заедничка универзална одговорност“, напиша Далај Лама на социјалните мрежи по објавувањето на наградата.

Аудиокнигата вклучува гласови на повеќе уметници, меѓу кои и Руфус Вејнрајт, кој ја прими наградата во негово име, како и Меги Роџерс.

Реакцијата од Пекинг беше остра и предвидлива. Портпаролот на кинеското Министерство за надворешни работи, Лин Џиан, ја осуди одлуката, нарекувајќи ја „антикинеска политичка манипулација“ и обвинувајќи дека уметничките признанија се злоупотребуваат за политички цели.

Но, за многумина набљудувачи, токму ваквата реакција ја потврдува суштината на проблемот: долготрајниот обид на кинеските власти да ја контролираат не само територијата, туку и културниот, духовниот и историскиот наратив на Тибет.

Далај Лама избега од Тибет по задушеното востание во 1959 година и оттогаш живее во егзил. Тибетските будисти го почитуваат како 14-та реинкарнација на духовна линија што датира од 1391 година. Кинеските власти, пак, инсистираат дека тие мора да го одобрат неговиот иден наследник — тврдење што Далај Лама јавно и категорично го отфрла како мешање на државата во религиозните прашања.

Наградата Греми, во овој контекст, е повеќе од уметничко признание. Таа претставува глобален гест на поддршка за правото на културен и духовен идентитет, како и потсетник дека прашањето за Тибет останува живо во меѓународната совест, и покрај напорите на Пекинг да го замолчи.