„Шкода груп“: Бугарија има потенцијал да стане регионален центар за производство и извоз на возови

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

„Шкода груп“: Бугарија има потенцијал да стане регионален центар за производство и извоз на возови

25 март 2026

• од Тодор Вангелов

Бугарија има реална можност да се позиционира како регионален центар за производство и извоз на железничка опрема, оценуваат од Škoda Group, во контекст на тековните инвестиции и растечката побарувачка за модерни железнички решенија во регионот.

Во интервју за бугарскиот дневен весник „24 часа“, претставникот на компанијата, Петр Новотни, изјави дека првите два електрични воза веќе се испорачани во Бугарија, додека останатите ќе бидат доставени во договорениот рок – до 31 август.

Станува збор за современи меѓуградски електрични возови со капацитет од 300 патници, кои се целосно усогласени со европските стандарди. Возовите се сертифицирани според Европскиот систем за управување со возови (ERTMS) и можат да достигнат брзина до 160 километри на час на бугарската железничка мрежа.

Дополнително, тие се опремени со Wi-Fi, модерни удобности за патниците, како и нископоден пристап, што ги прави особено погодни за повозрасни лица и лица со намалена подвижност. Како целосно електрични композиции, тие придонесуваат и за намалување на емисиите, што ги позиционира како еколошко решение за јавниот транспорт.

Од „Шкода груп“ посочуваат дека производството се одвива со стабилна динамика од околу три воза месечно, при што дел од композициите веќе се целосно финализирани.

„Бугарија е клучен пазар за нас. Благодарение на нашиот модуларен производствен систем и вертикалната интеграција, успеваме да ги исполниме роковите без компромис во квалитетот“, истакна Новотни.

Како дел од договорот, компанијата презеде обврска за целосно одржување и сервисирање на возовите во наредните 15 години. За таа цел веќе е основана локалната компанија „Škoda Bulgaria“, која ќе биде одговорна за техничката поддршка и сервисните активности на терен.

Според Новотни, просечниот животен век на современите патнички возови изнесува околу 30 години, но клучен фактор за нивната долгорочна ефикасност е редовното и квалитетно одржување.

„Ќе инвестираме во обука на локални кадри и ќе го пренесеме нашето знаење, што дополнително ќе го зајакне домашниот капацитет“, додаде тој.

Од компанијата нагласуваат дека геостратешката позиција на Бугарија, заедно со тековните инфраструктурни проекти во железничкиот и градскиот транспорт, создаваат солидна основа земјата да стане важен центар за производство, логистика и извоз на железничка технологија во Југоисточна Европа.

Вкупната вредност на нарачките за бугарскиот пазар веќе надминува 500 милиони евра, што ја потврдува растечката улога на земјата во европскиот транспортен сектор.