Сенатот на САД го поддржа Трамп за воените напади врз Иран

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Сенатот на САД го поддржа Трамп за воените напади врз Иран

05 март 2026

• од Тодор Вангелов

Сенатот на САД ја отфрли резолуцијата со која се бараше запирање на воените операции против Иран и обврска Конгресот да одобри каква било понатамошна воена акција. Додека војната меѓу САД/Израел и Иран влезе во шестиот ден, републиканските сенатори се спротивставија на мерката и го спречија нејзиното усвојување.

Со 53 гласа „против“ и 47 „за“, Сенатот ја блокираше резолуцијата која имаше за цел да ја прекине воздушната кампања и да ги ограничи овластувањата на претседателот Доналд Трамп.

Според извештај на Reuters, речиси сите републикански сенатори гласаа против резолуцијата, при што само еден ја прекрши партиската линија, додека сите демократи освен еден ја поддржаа мерката. Републиканците во моментов имаат тесно мнозинство во Сенатот.

Двајцата сенатори кои гласаа спротивно на линијата на своите партии беа републиканецот Ренд Пол, кој ги поддржа напорите за ограничување на воените овластувања на претседателот, и демократот Џон Фетерман, кој се изјасни во корист на продолжување на воената кампања.

Во центарот на дебатата се наоѓа Законот за воени овластувања од 1973 година (War Powers Act), кој бара претседателот да ги повлече американските сили од непријателства во рок од 60 дена, освен ако Конгресот формално не ја одобри акцијата. Трамп и неговите сојузници, сепак, тврдат дека нападите спаѓаат во неговите уставни овластувања како врховен командант за заштита на американските интереси.

Претставничкиот дом на САД треба да гласа за истата резолуција еден ден подоцна. Државниот секретар Марко Рубио и секретарот за одбрана Пит Хегсет изјавија дека го информирале Конгресот за воените операции – и во пресрет на првичните напади и повторно во вторник.

Споменатото „брифирање“ се однесува на т.н. „Банда на осумте“ – група од осум конгресни лидери кои имаат пристап до високо доверливи разузнавачки информации. Критичарите истакнуваат дека брифирањето не е исто што и формална објава на војна, што е овластување кое Уставот експлицитно му го доделува на Конгресот.

Домашните и меѓународните медиуми јавуваат дека на шестиот ден од конфликтот двете страни продолжиле со напади врз цели во Иран и Израел. Според Reuters, рано наутро во четврток, 5 март, бран ирански ракети испукани кон Израел принудил милиони жители да побараат засолниште во бункери. Во исто време, иранските медиуми известија за повеќе експлозии во Техеран и други градови како резултат на тековните воени удари.