СДСМ го осуди однесувањето на Вучиќ кон Шекеринска: Пример за шовинистички политички речник

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

СДСМ го осуди однесувањето на Вучиќ кон Шекеринска: Пример за шовинистички политички речник

15 февруари 2026

• од Станча Јаќимовски

СДСМ остро реагираше на изјавата на претседателот на Србија, Александар Вучиќ, упатена кон заменик-генералната секретарка на НАТО, Радмила Шекеринска, на маргините на Минхенската безбедносна конференција 2026 година, оценувајќи дека станува збор за навредлив и понижувачки настап.

Од партијата наведуваат дека во своето обраќање Вучиќ ја споменал Шекеринска на начин што, според нив, го потенцирал нејзиниот пол со понижувачка конотација, поврзувајќи ја со прашања за сецесија и со Косово. СДСМ оценува дека наместо аргументирана политичка дебата, била употребена реторика што има за цел лична дискредитација.

Во реакцијата се посочува дека ваквиот речник е дел од политички стил заснован на лични напади, а не на суштинска расправа за политики и меѓудржавни односи. Според партијата, односот кон жени кои извршуваат високи меѓународни функции, каква што е позицијата во НАТО, директно влијае врз политичката култура и придонесува кон продлабочување на негативната клима во јавниот дискурс.

СДСМ изрази целосна поддршка за Шекеринска, истакнувајќи дека таа нема никаква поврзаност со обвинувањата за сецесионизам. Напротив, од партијата наведуваат дека нејзиниот ангажман во НАТО е доказ за нејзината професионалност, компетентност и меѓународен кредибилитет.

Партијата нагласува дека останува доследна на политиките за родова еднаквост и зајакнување на улогата на жените во јавниот и политичкиот живот. Според нив, нападите врз жени во политиката не смеат да се нормализираат, а јавната дебата мора да се води со аргументи и почит, без лични квалификации и дискредитирачка реторика.