Росен Жељазков ги претстави бугарските евро-монети пред европските лидери во Брисел

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Росен Жељазков ги претстави бугарските евро-монети пред европските лидери во Брисел

18 декември 2025

• од Станча Јаќимовски

Премиерот во оставка на Бугарија, Росен Желјазков, во Брисел ги претстави бугарските евро-монети пред претседателката на Европската комисија, Урсула фон дер Лајен, како и пред претседателката на Европскиот парламент, Роберта Мецола. Настанот се одржа во пресрет на заседанието на Европскиот совет и беше дел од симболичните чекори поврзани со пристапувањето на Бугарија кон еврозоната.

Желјазков истакна дека Бугарија е подготвена да биде активен и одговорен партнер во рамките на монетарниот сојуз на Европската унија. Според него, прифаќањето на еврото е резултат на долгорочни и последователни реформи и напори, кои ќе придонесат за поголема економска стабилност, зголемена доверба и нови можности за бугарските граѓани и бизнисот.

На средбата со Урсула фон дер Лајен, премиерот изрази благодарност за континуираната поддршка од Европската комисија во процесот на приклучување на Бугарија кон еврозоната. Тој го нагласи значењето на конструктивниот дијалог и експертската помош од Комисијата во сите фази на подготовката, оценувајќи ја таа поддршка како клучна за успешно финализирање на процесот и целосна интеграција на земјата.

Желјазков ја запозна претседателката на Европската комисија со националните симболи прикажани на задната страна на бугарските евро-монети, кои ја отсликуваат бугарската историја, културниот идентитет и местото на земјата во европското семејство.

Во рамките на посетата, премиерот оствари средба и со претседателката на Европскиот парламент, Роберта Мецола, на која ѝ подари комплет бугарски евро-монети. Тој нагласи дека поддршката од европските институции за членството на Бугарија во еврозоната има клучна улога за успехот на земјата на патот кон целосна европска интеграција и претставува јасен знак на доверба од европските партнери.

Желјазков ѝ се заблагодари на Мецола и за нејзината активна поддршка на Бугарија, како во однос на еврозоната, така и во процесот за приклучување кон Шенген-зоната. Според него, подарувањето на евро-монетите претставува симболичен гест со кој европските лидери стануваат дел од еден историски момент за Бугарија.

Премиерот во оставка истакна дека владата ги презела сите неопходни мерки за да обезбеди непречен, транспарентен и успешен премин кон еврото. Во разговорот со претседателот на Европскиот совет, Антонио Кошта, Желјазков изјави дека со членството на Бугарија во еврозоната од 1 јануари 2026 година, Европската унија ќе стане уште посилна.

На Кошта, исто така, му беше подарен комплет бугарски евро-монети како симбол на успешно реализираната стратешка цел на Бугарија и на нејзиното цврсто место во европското семејство. Желјазков повтори дека воведувањето на еврото ќе донесе долгорочни придобивки преку зголемена економска стабилност, доверба и нови перспективи за граѓаните и стопанството.