Макрон: Европа мора да се подготви за нови моменти на непријателство од САД

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Макрон: Европа мора да се подготви за нови моменти на непријателство од САД

10 февруари 2026

• од Станча Јаќимовски

Францускиот претседател Емануел Макрон предупреди дека Европа треба да се подготви за нови моменти на непријателство од страна на Соединетите Американски Држави и да го искористи т.н. „случај Гренланд“ како сигнал за будење и забрзување на одамна одложените реформи, со цел зајакнување на глобалната улога на Европската унија. Ова го пренесува агенцијата Ројтерс.

Во интервју за неколку водечки европски медиуми, Макрон изјави дека Европската унија не смее привременото намалување на тензиите со Вашингтон да го сфати како трајна промена, и покрај паузата во американските закани поврзани со Гренланд, трговијата и технологиите. Според него, администрацијата на американскиот претседател Доналд Трамп е „отворено антиевропска“ и дури има стремеж кон „раздробување“ на Унијата.

Макрон ги повика европските лидери да ја искористат претстојната средба на врвот во Белгија за да внесат нова енергија во економските реформи и да ја зголемат конкурентноста на ЕУ, со што таа ќе може поефикасно да ги брани своите интереси и во однос на Кина и во однос на САД. „Кога постои јасен чин на агресија, не смееме да се наведнуваме или да бараме компромис по секоја цена. Оваа стратегија ја пробувавме со месеци – и таа не функционира“, нагласи францускиот претседател.

Тој оцени дека во наредните месеци се неизбежни нови судири со Вашингтон, особено околу европската регулација на дигиталните технологии. Макрон предупреди дека САД би можеле да воведат царини доколку ЕУ го примени Законот за дигитални услуги со цел ограничување на моќта на големите технолошки компании.

Францускиот лидер ја опиша актуелната состојба како двоен предизвик: „кинеско цунами“ во трговијата и постојана нестабилност од американска страна. Според него, овие фактори претставуваат „длабок шок и раздор за Европејците“. Во тој контекст, Макрон повторно се заложи за поширока употреба на заеднички европски долг, кој би ѝ овозможил на ЕУ масовно да инвестира и да ја оспори доминацијата на американскиот долар, нудејќи сигурна алтернатива на светските пазари преку европски обврзници.

Макрон истакна дека Европа има потреба од „заштита, а не протекционизам“, бранејќи ја идејата за стратегија „Произведено во Европа“, која би вклучувала минимални барања за европска содржина во производите што се изработуваат во рамки на ЕУ. Сепак, оваа иницијатива веќе предизвикува несогласувања меѓу земјите членки и загриженост во автомобилската индустрија. Според него, економската стратегија за претворање на Европа во глобална сила треба да се темели на „европско претпочитање“, со што би се зајакнале отпорноста и автономијата на Унијата.