Киселова: Бугарија ѝ подава рака на С. Македонија во секој тежок момент

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Киселова: Бугарија ѝ подава рака на С. Македонија во секој тежок момент

14 јули 2025

• од Станча Јаќимовски

Претседателката на бугарското Народно собрание, Наталија Киселова, во интервју за националната телевизија БНТ истакна дека проевропскиот пат на Бугарија нема алтернатива и изрази силна поддршка за евроинтеграциите на Република Северна Македонија и Албанија.

„Нашето разбирање и за Албанија и за Република Северна Македонија е дека тие треба да бидат дел од Европската Унија. Ние сме првите што ѝ подаваме рака на Република Северна Македонија во секој тежок момент“, изјави Киселова, нагласувајќи го значењето на стабилни добрососедски односи и поддршка во регионални предизвици.

Таа додаде дека со склучувањето на Преговарачката рамка меѓу Македонија и Европската Унија, прашањето за евроинтеграцијата веќе не претставува билатерален проблем за Бугарија.

Сепак, односите меѓу двете земји повторно се заострија по дипломатски недоразбирања. Тензиите ескалираа кога бугарскиот министер за надворешни работи, Георг Георгиев, го нарече македонскиот премиер Христијан Мицкоски „северномакедонски премиер“, на што Мицкоски возврати со остар коментар, алудирајќи дека „глушецот добил наредба да го задева лавот“.

На ваквата реторика реагираше и бугарскиот премиер Росен Жељазков, кој побара официјално извинување од македонска страна. Министерството за надворешни работи на Бугарија претходно излезе со соопштение во кое ја обвини македонската страна за прекршување на принципите на добрососедство. Како одговор, македонското МНР го повика бугарскиот амбасадор на разговор и му врачи протестна нота.

И покрај дипломатските тензии, изјавата на Киселова се толкува како порака на разум и продолжена поддршка од Бугарија за европската перспектива на регионот, со надеж за смирување на реториката и враќање на конструктивниот дијалог.