Израелските сили заробија стотици терористи во болницата Ал-Шифа
Израелските сили уапсија стотици борци на Хамас и Исламски џихад во рацијата на главната болница во Газа. Ова го соопшти портпаролот на армијата контраадмирал Даниел Хагари, цитиран од „Ројтерс“.
Меѓу приведените има и голем број безбедносни службеници и воени команданти.
Израелските војници влегоа во болницата Ал-Шифа во градот Газа во понеделникот во раните часови и го пребараа обемниот комплекс, за кој војската вели дека е поврзан со мрежа од тунели што се користат како база за палестинските милитанти.
Се вели дека војниците убиле стотици борци и привеле повеќе од 500 осомничени, вклучително и 358 членови на исламистичките групи Хамас и Исламски џихад - што е најголем број од почетокот на војната пред речиси шест месеци.
Хагари рече дека израелските специјални сили користеле „тактика на измама“ за да ги изненадат милитантите и нанеле големи загуби на Хамас и Исламски џихад. Меѓу уапсените се тројца високи воени команданти на Исламскиот џихад и двајца функционери на Хамас одговорни за операциите на окупираниот Западен Брег. , како и други функционери за внатрешна безбедност на Хамас.
„Оние кои не се предадоа на нашите сили беа ликвидирани“, рече Хагари на брифингот.
Ал-Шифа беше најголемата медицинска установа во палестинската енклава пред војната и моментално е една од ретките болници во северниот дел на територијата која е барем делумно оперативна. Покрај тоа, раселените цивили побараа засолниште таму.